Hakarak Moos Tenki Fo’er Uluk, Pe. Tiago Hamos Valeta Ne’ebe Intupidu
Imajem : Padre Tiago Soares hamoos valeta iha. Luro-Lautem, 09/04/2023
SAPNewsTL, Lautém: Relasiona ho udan ne’ebe akontese iha loron 9 Fulan Abril Liu aa, Padre Paroku Nossa Senhora Rainha dos Apóstolos de Luro Tiago Soares da Costa hamutuk ho sarani sira hamoos valeta ne’ebe intupidu tanba kauza husi udan no fo’er ne’ebe intupidu valeta refere.
Iha Intervista Xefe Katekista Parokia Luro, Deolinda dos Santos Hornay haktuir normalmente wainhira udan, fo’er sira sempre taka valeta ne’e hodi prejudika bee sai husi valeta tanba fo’er sira intupidu, nune’e ohin Amo Paroku Luro Deside hodi mai hamos valeta no hasai fo’er sira ne’ebe nakonu iha valeta
“Ohin Amo Tiago, deside mai hamos valeta tanba valeta intupidu, kauza husi udan no ema soe foer arbiru, entaun mai hamoos para bele hasai fo’er sira iha valeta no bee bele movimenta tuir nia dalan, wainhira akontese tan udan bo’ot, portantu, se ita hakarak, valeta ne’e moos, ita tenke tama ba valeta hodi hamos fo’er sira iha laran, maske ita tenki fo’er, buat moos no di’ak ne’ebe mai husi sakrifisiu no pasiénsia hodi servi”. Tenik Katekista Jeral Parokia Luro Deolinda dos Santos Hornay ba SAP News TL iha Luro-Lautem, 09/04/2023
Katekista ne’e mos husu ba ema Hotu, atu labele soe fo’er arbiru tanba soe fo’er arbiru bele rezulta valeta intupidu, inundasaun, lori moras ba ema, produz susuk barak no fo ameasa ba ema nia saúde
“Ema hotu-hotu tenki iha konsiénsia hodi soe foer iha fo’er fatin, ema labele toman soe fo’er arbiru tuir hakarak tanba soe fo’er sei lori moras ba ita ema nia saúde wainhira fo’er ne’e produz susuk no iis dois ba ema, soe foer mos bele rezulta ba valeta intupidu, bee la halai tuir nia dalan wainhira udan bo’ot”. Nia husu
Iha hamos Valeta, Pe. Tiago mos hatete ba komunidade sira labele so’e foer arbiru, wainhira valeta intupidu hanesan sarani di’ak tenke ho fuan hamos valeta sira ne’ebe intupidu iha família ida-idak nia uma oin.
Valeta ne’e iha Postu Administrativu Luro area kampu Demokrasia Luro, Munisipiu Lautém
Jornalista: Luis Pailofo