Hanoin Hikas Vítima Torturasaun ! Sergio : Estadu Sei Trata Ema Hotu Hanesan Tuir Lei
Imajen : Entrevista Ministru Justisa, Sergio de Jesus Fernandes da Costa Hornai iha Centru Nasionál Cega, Balide, 25/06/2024.
SAPNewsTL, Dili – Ministeriu Justisa (MJ) hamutuk ho Centru Nasionál Chega Institutu Publiku (CNC I.P) realiza Komferensia no komemora loron internasionál ba vitima torturasaun hodi hanoin hikas rejistensia 76 vitima torturasaun.
Ministru Justica (MJ) Sergio de Jesus Fernandes da Costa Hornai hateten, MJ reprezenta Governu Timor-Leste kombina ho Centru Nasionál Chega Institutu Publiku (CNC I.P) hala’o konferensia atu komemora loron torturasaun internasional tinan hitu nulu resin nen, rejistensia loron tortura ninian.
“Orgaun soberania Estadu sei tau hanoin oinsa maka bele haree kauja nasional ne’ebe durante luta ba libertasaun, hanesan familia vitima no ita ida-idak ne’ebe envolvidu iha prosesu no mos hare ba komemorasaun loron internasionál ba vitima torturasaun, ba dala 76”. Informa Ministru Justisa, Sergio de Jesus Fernandes da Costa Hornai iha Centru Nasionál Cega, Balide, 25/06/2024.
Governante ne’e afirma, familia lubuk ida lakon sira nia ruin naklekar iha tasi laran rai fuik, Oinsa atu pasa historia moruk ne’ebe durante iha prosesu luta ba iha historia edukasaun ida, nune’e ema hotu bele iha sensibilidade luta ba libertadaun patria laos fasil maibé liu husi terus no mate hafoin restaura independensia, Nia katak.
“Ohin loron Timor-Leste hola parte iha komunidade internasional, hodi hare fila-fali oinsa medida sira atu halo mitigasaun ba iha tortura no mos tratamentu ba Direitu Umanu ho kualidade, Estadu mai ho hanoin bo’ot ida katak ita nia konstituisaun atu orienta ita trata sidadaun hotu hanesan, Ema ne’ebe iha dignidade hodi bele kontribui ba estadu Republika Demokratiku ida ne’e”.
“País Timor-Leste atu hametin pas iha sosiedade , ema hotu tenki tau iha konsiensia respeitu orden publiku estadu nini’an liliu ba iha lei no demokrasia, nune’e, Governu konstitusional reintera katak papel ne’e importante ba konsolidasaun ba Estadu” Nia hateten.
“Haree ba situasaun pasadu ni’an prosesu ne’e naruk teb-tebes, dadaun ne’e hamutuk ho kamada asosiasaun ne’ebe sai hanesan testamoniu prosesu luta ba libertasaun Patria iha tinan ruanulu resin ha’at (24) nia laran. liu husi prosesu ne’ebe naruk ohin ita sai hanesan estadu independente soberanu ida. Nia hakotu.
Enkuantu, komferensia ne’e partisipa husi estudante universitariu sira, funsionariu CNC, PNTL, inklui konvidadu sira.
Jornalista : Dircia Baptista Belo & Geronimo da Purificação