Hetan Atakasaun Iha Aeroportu ! MJ Amandio Hakotu Iis Iha HNGV
SAPNewsTL, Dili : Hafoin hetan atakasaun iha Aeroportu Internasionál Nicolau Lobato Comoro, Ohin Ministru Justisa Amandio de Sá Benevides hakotu iis iha Hospitál Nasionál Guido Valadares tanba sofre moras
Tuir informasaun ne’ebe SAP News TL asesu katak, ohin meiudia Ministru Justisa Amandio de Sá Benevides ba simu Primeiru Ministru Kayrala Xanana Gusmão iha Aeroportu Internasionál Nicolau Lobato Comoro mak hetan atakasaun, hafoin lori ba ospital nasional.
Hafoin lori Ministru Justisa Amandio de Sá Benevides ba Hospitál Nasionál Guido Valadares (HNGV) ho objetivu hodi halo tratamentu no salva ninia vida maibe infelismente la konsege salva nia vida tanba hetan atakasaun makaas no forte.
Entretantu, Saudozu Ministru Justisa Amandio de Sá Benevides ninia mate isin agora daudaun sei iha hela Mortuáriu Ospitál Nasionál Guido Valadres Dili.
Orseik mos, Ministru Justisa prense meet the press ne’ebe organiza husi Sekretariu Estadu Komunikasaun Sosial (SEKOMS) Espedito Dias Ximenes iha Palasiu do Guvernu Dili.
Enkuantu, Ministru Justisa Saudozu Amandio de Sá Benevides tuir tomada de Posse husi Presidente da Repúblika Jose Ramos Horta iha loron 1 Fulan Jullu tinan 2023. Saudozu Amandio de Sá Be’evides orijem husi Munisipiu Ainaru.
Jornalista : Marcela Mery da Costa