SEFOPE Kontinua Rekruta Traballador Timor Oan ! DJ Carlito : Labele Sai Husi Sistema

SAPNewsTL, Dili: Sekretariu Estadu Formasaun Profisional no Empregu (SEFOPE) hala’o serimonia despedida ba traballador sira hamutuk ualunulu resin lima ne’ebe atu ba servisu iha Australia

Diretor Jeral (DJ) Carlito do Rosário Cabral haktuir objektivu husi sorumutu ne’e atu halo serimonia despedida ba traballador sira ne’ebe atu ba servisu iha Australia iha area agrikultura.

“Objetivu ida ohin mai ne’e atu mai halo despedida ba ita nia maluk traballadores sira hamutuk ema nain ualunulu resin lima (85) atu ba servisu iha rai Australia ba sira foin ne’e mak foin hetan oportunidade primeiru atu ba hamutuk haatnulu resin lima (45), ida ba mai ona ne’e hamutuk haatnulu (40) traballador sira ne’e ba hotu iha area agrikultura”. Dehan Diretor Jeral Carlito do Rosário Cabral, 18/01/2023

Diretor Jeral ne’e hatutan iha fulan Janeiru ne’e atus rua resin mak ba ona servisu iha Australia.

“Traballador sira hamutuk feto ema nain sanulu resin (19) no mane iha neennulu resin neen (66), iha fulan Janeiru mais ou menus 200 ital trabalhadores ne’ebe ita haruka ba nasaun Australia, ita hanorin bebeik ba sira katak kuandu ita sai husi sistema prezudika ba ita nia programa ida ne’e rasik no moos taka dalan ba ita nia kandidatu sira ne’ebe agora prepara hein hela prosesu balun atu ba iha rai Australia”. Tenik Diretor Jeral

Diretor ne’e hameno ba sira katak labele koko atu sai husi sistema no no mos labele halo problema iha ema nia nasaun tenki kumpre deit maka komprimisiu ne’ebe sira rasik le’e no sira rasik asina ho sira nia inan aman no SEFOPE rasik mos asina hanesan testamuña katak sira la halo aktividade seluk sira so halo deit mak aktividade servisu ne’ebe temi iha komprimisiu.

“Ohin sira halo se halai sai husi sistema ita buka para servisu hamutuk ho ita nia adidu Embaixadora iha Australia ou governu Australia no mos empregador sira rasik para buka oinsa mak ita buka rezolve no bele haruka sira mai tuir kontratu ne’ebe estabelese”. Diretor informa

Diretor Carlito mos fo parabens tanba sira hatudu sira nia badinas no sira nia atetude ne’ebe diak hodi Timor ne’e ba empreza sira hotu, sira fo fiar nafatin ba estadu ida ne’e atu rekruta nafatin traballador sira ne’ebe mak seidauk hetan oportunidade.

“Atu hatete deit katak ba sira ne’ebe mak hetan ona oportunidade tantu tuan ka foun bele uza oportunidade ne’e ho didiak kumpri tuir komprimisiu ne’ebe imi rasik le’e ona atu nune’e labele taka dalan ba ita nia maluk sira ne’ebe seidauk hetan oportunidade tamba oportunidade ne’e joven barak mak hein hela”. Nia salienta

Carlito mos husu ba familia no traballador sira atu nafatin iha komunikasaun ne’ebe diak ba malu.

“Ba inan aman sira ita bo’ot sira nafatin iha komunikasaun di’ak ho ita bo’ot sira nia oan,
ita orasaun importante akompaña sira tamba ita nia oan sira ne’e balu husik hela sira nia familia inan aman kaben feto no kaben mane ho nia oan sira ba hala’o servisu iha ne’eba. husu ba trabalhadores sira tenki halo komunikasaun di’ak ho imi nia familia iha oras ne’ebe imi fila husi servisu, imi nia familia hein hela imi nia prezensa sai ho diak tama mos tenki ho diak”. Nia hameno

Entretantu, traballadora Aguida informa “Durante ne’e ami servisu iha Australia durante fulan sia (9) problema ne’ebe mak ami infrenta mak ami hela do’ok husi fatin servisu ne’e duni ami senti triste tamba maske servisu halo ami kolen maibe tenki hader sedu tamba servisu la’o ho distansia ne’ebe do’ok husi fatin ne’wbe ami hela ba”. Nia konta

Jornalista : Genoveva Lopes Sarmento