Horik Fatin Saudozu Max Sthal Atinje 95%, KO Husu Guvernu Apoia Serimónia Dezlutu

SAPNewsTL,Dili:  Komisaun Organizadora (KO) ba dezlutu Saudozu Max Stahl no komemorasaun 28 Outobru loron falesimentu juventude loriku aswain Saudozu Sebastião Gomes ba dala 31 hala’o audénsia ho Ministru Prezidénsia Konsellu Ministru (MPKM) Fidelis Manuel Leite Magalhães hodi informa no aprezenta preparasaun komisaun organizadora nian  iha Palasiu Governu.

Tuir Kordenador  Komisaun organizadora Rozeiro Castro da Cruz hateten hasoru malu ho Ministru Prezidénsia Konsellu Ministru (MPKM) Fidelis Manuel Leite Magalhães  halo preparativu ba dezlutu no inaugurasaun ba rate Saudozo Max Stahl nian no komemora 28 Outobru loron falesimentu juventude loriku aswain Saudozu Sebastião Gomes ba dala 31.

“Ohin ami hasoru Ministru,  ami husi  komisaun organizadora halo  preparativu ba dezlutu  Saudozo Max Stahl nian ne’ebé mak sei realiza iha dia 27 ou 28, ita tenki halo proposal ba ita nia orsamentu no programa ne’ebé mak sei hala’o iha dia 27, halo seminar ida ao mesmo tempu  tinan ne’e mos iha dezluto, ita mos husu governu tenki serbisu hamutuk ho  komisaun no halo inaugurasaun ba Rate, ne’ebé maka agora atinji ona ba iha 95%”. Dehan Kordenador Komisaun Organizadora ba jornalista sira Palasaiu Governu, Sexta-Feira, 12/08/2022.

Kordenador ne’e akresenta, dezluto Saudozu Max Stahl no loron falesimentu Saudozu Sebastião Gomes sira rua mate iha data ne’ebé mak hanesan no diferente iha tinan.

“Planu tinan ida ne’e, ita fokus liu ba dezlutu saudozo Max Stahl nian ao mesmo tempo iha loron 28  Saudozo Sebastião Gomes loron ne’ebé maka hanesan,  mate data ida de’it no nia diferensia maka iha  tinan entaun tenki serbisu hamutuk ho Sekretáriu Estadu Juventude no Desportu  (SEJD) atu bele tau kalendariu ne’ebé mak fiksu, futuru mai fali sira bele halo aktividade dala ida de’it”. Tenik nia

Nia fundamenta, planu programa sira ne’ebé mak iha, komite ezije governu atu tau kosiderasaun no apoiu komisaun organizadora.

“Ami husi komisaun organizadora hato’o hela sua ba exelénsia sei halo kontaktu ho liña kordenasaun sira ho Ministru asuntu Kombatente Libertasaun Nasional (MACLN) liga ho liña Ministerial hodi apoiu komisaun organizadora no iha planu  no programa ne’ebé fo hanoin hela ha’u fiar katak  governu maske laiha buat ida atu hala’o hotu maibé neneik -neneik tenki to’o iha nia rezultadu ne’ebé maka di’ak. Nia hatete

Enkuantu, komisaun organizadora propoin orsamentu hamutuk rihun ruanulu resin-lima ($25.000) ba atividade realizasaun deslutu saudozu Max Sthal ne’ebe tuir planu sei realiza iha loron 27 no 28 fulan Outubru tinan ne’e

Jornalista : Ermelinda Soares

Editor       : Ekipa Editorial