UNPAZ Selebra Loron Internasionál Juventude, Hamutuk Haburas Igualidade Hakotu Diskriminasaun

SAPNewsTL, Dili : Estudante Universidade da Paz(UNPAZ) liu husi Estudante Hadomi Natureza (ESSANA) Hetan apoiu husi FRESKA realiza semináriu nasionál komemora loron internasional Juventude ho tema Natureza Juventude Agora Lidera Iha Futuru

Tuir Diretor Nasional Criatividade SEJD Cejarino da Silva Hateten Loron 12 de Agostus  Hanesan loron internasional ba juventude sira iha Mundu ne’ebe mak Nasões Unidas hili ona iha tinan rihun ida atus sia sianulu resin walu(1998) liu husi konferénsia mundial

“Nasõens Unidas hili ona Topiku ida mak Interjerasional solidalismu ida ne’e signifika katak interjerasional solidariedade ita nian iha mundu no presiza ita tenke hadia, atu labele hakotu relasaun jerasaun sira nia transmisaun ba esperiénsia atu hatutan ba jerasaun foun sira”. Dehan Director Nasional Criatividade SEJD Cejarinho da silva ba jornalista sira iha Kampus UNPAZ Manleu, Dili Sexta-Feira (12/09/2022).

Nia fundamenta diverjensia ka desigualdade sira ne’ebe akontese iha Timor-Leste ohin loron mihis ba bebeik, presiza iha inisiativa ida atu atinji objetivu desenvolvimentu sustentavel ho nia objetivu katak sei la husik ema ida iha kotuk no ema hotu-hotu tenke hola parte iha nia nasaun rasik no iha mundu.

Iha sorin seluk, Presidente Komisaun Organizador Universidade da Paz (UNPAZ) Abrão Ijak Hateten atividade ida ne’e importante tebes ba Juventude sira atu hametin paz, unidade no amizade entre juventude sira iha mundu

“ONU deklara loron 12 de agostu hanesan loron importante ba joventude sira iha mundu, Estudante Hadomi Natureza (ESSANA UNPAZ) ho inisiativa rasik hodi hala’o atividade ida ne’e hodi hametin relasaun ho joven sira seluk “. Nia Hatutan

Entertantu, ho ispiritu loron internasionál Juventude, Nia husu ba joven hotu-hotu haburas igualidade generu no luta kontra diskriminasaun iha Timor Leste

“Ita hotu presiza konsidera ita nia maluk sira seluk. labele halo diskriminasaun ba ita nia maluk sira, maibe promove igualidade generu no labele iha orientasaun seksual haree ba ema nia rasa, relijiaun ida ne’ebe de’it”. Nia hatete

Enkuantu, semináriu ida ne’e hetan partisipasaun maksimu husi Juventude hadomi natureza (JHN) ESSANA UNTL, GERHANA, UNDIL, UNITAL, ICS inklui universidade sira seluk

Jornalista  :  Aquelina Magalhaês & Riana Martins

Editor        : Ekipa Editorial