IKS PTL Kera Sakti Transmite Formasaun Ba Treinador Sira
SAPNewsTL, Dili : Organizasaun Arte Marsial Ikatan Keluarga Silat Putera Timor Leste Kera Sakti realiza Formasaun Ispiritualidade, Edukasaun Sivika, Edukasaun Sidadania no Formasaun Teknika no Arte ba Treinador Klubu IKS.PTL Kera Sakti Sukursal Dili
Tuir Presidente IKS PTL Kera Sakti Silvester Xavier Sufa hateten objetivu husi formasaun ne’e atu forma treinador sira molok treina falli membru sira iha komunidade
“Formasaun ne’e iha material rua mak edukasaun sidadania no eduksaun sivika, edukasaun sidadania tama iha nasionalismu patriotismu tanba ne’e tenke iha etika no moral, programa reativa organizasaun ida ne’e hotu hotu tenke tuir formasaun”. Tenik Presidente IKS PTL Kera Sakti ba Jornalista iha 10 de dezembro Comoro,Dili Sabadu (13/08/2022).
Nia hatutan, Formasaun ida ne’e hetan avaliasaun husi nacional, se mak passa ba formasaun ida ne’e, hafoin hetan sertifikadu mak bele loke Klubu iha ranting
“Iha ketua cabang bolu dehan kordenador sukursal oeste nian ba teritorio Timor laran tomak komesa hahu Inisio ba sukursal Dili Oeste, tanba ne’e mak ami esperanca Katak liu husi formasaun ida ne’e IKS PTL sei hala’o programa ne’ebe Governo fo”. Dehan Presidente IKS PTL Slivester
Iha fatin hanesan Sekretariu Estadu Juventude no Desportu (SEJD) Abrão Saldanha sente kontente teb-tebes tanba IKS PTL tanba sira simu ho responsabilidade hahu Formasaun iha nivel nasional ba treinador sira
“Ha’u Sente kontente ho IKS PTL, treinador sira ne’ebe simu formasaun iha nivel Nasional, husi treinador sira ne’e ida-idak ba treina iha sira nia sukursa, sira nia cabang entaun iha Dili laran sira hahu ho sukursal Dili Oeste, sira halo formasaun atu hatene lolos treinador hirak mak iha kapasidade atu treina ema nune’e treinador sira ne’e bele reativa ranting sira”. Dehan SEJD
Nia akresenta, governu partisipa atu kongratula no apresia iha inisiativu sira, hein katak sira bele ajuda diak liu tan Programa reativa integrasaun arte marciais nian ajuda forma liu tan joven sira iha organizasaun husu ba sira atu haree malu hanesan maun alin Timor oan
Entertantu Formasaun ne’e hetan partisipa husi Polisia Nasional Timor-Leste (PNTL) Komisaun Regulador Arte Marsial (KRAM), Sekretaria Estadu Juventude Desportu (SEJD) inklui membru IKS PTL Kera Sakti iha area sukursal Dili Oeste
Jornalista : Aquelina Mangalhães & Juvita Sarmento
Editor : Ekipa Editorial