Jovens Lakon Nia Karakter, UNTL & UNE-TL Asina MoU Foku Ba Formasaun Karakter
SAPNewsTL, DILI-Universidade Nasional Timor Lorosa’e(UNTL), no União Nasional Esquteiru Timor-Leste(UNE-TL) asina memorando of understanding(MOU) ida ohin iha Salaun Vídeo Konferensia UNTL Dili
Objetivu husi nota entendimentu ne’e hodi fasilita estudante sira bele tuir aktividade UNE-TL nian hodi promove no Desenvolve estudante sira nia karakter ho Diak ba Futuru
Tuir Reitor Magnífiku UNTL João Soares Martins hateten, nia sente kontente ba koperasaun ne’e tanba bele forma estudante sira nia karakter ho Diak ba Futuru
“Ha’u sente kontente teb-tebes,halo koperasaun hamutuk ho UNE-TL, Ha’u hanoin papel esquteiru ne’e importante tebes, iha nasaun hotu-hotu liu-liu ba joven sira. Partikularmente ita nu’udar nasaun foun, ita nia joven sira tal vez lakon orientasaun, karakter entaun neserariu tebes ba formasaun de karakter”. Dehan Reitor UNTL, João Soares Martins his ba jornalista sira iha, Salaun Vídeo Konferensia,segunda-feira(26/06/2023)
Tenik nia katak papel UNTL ho UNE-TL mak oinsa forma estudante sira nia karakter husi prosessu akademia, no aktividade extrakurikuler atu prepara estudante sira ba halo asaun no asume knaar
“Relasiona ho asina akordu entre UNE-TL ho UNTL, entaun loron ida ne’ebe diak tebes,tanba esquteiru nia papel importante teb-tebes ne’ebe halo formasaun ba joven sira, oinsa mak bele kontribui ba karakter joven sira”.
“UNTL nia papel entermu halo formasaun akademia no mos formasaun ba karakter,liu husi siensia no edukasaun.Maibe ho Esquteiru entaun halo kompleta diak liu tan, tanba Esquteiru iha aktividade barak ne’ebe oinsa mak bele forma ita nia joven sira, depois sira bele preparadu para halo asaun,asume knaar ruma”nia haktuir
Iha fatin hanesan, Presidente UNE-TL Maria Freitas Rodrigues esklarese tan katak esquteiru iha papel importante, tanba ne’e tenke tuir rekerimentu global ne’ebe mak iha
“Ami hanoin ema hotu presija hatene katak UNE-TL ne’e membru mundial movimentu Esquteiru, ita hotu-hotu kumpri rekerimentu ne’ebe mak ita tenke opta rekerimentu global. ami sei halo diskusaun, equipa ida ami sei eleze estrutura Dili nian atu bele mai halo formasaun desiminasaun ba estrutura sira, nune’e sira bele hatene”.hatutan husi Presidente UNE-TL
“Ami halo akordu ona ho UNPAZ, DIT, no agora ami, mai hamutuk ho UNTL, ita espera katak aktividade extrakurikuler sira presija habo’ot,habelar, Ha’u hanoin ida ne’e mos faze ida ba preparasaun atu hakbesik universitariu sira para bele kolabora tuir ami nia kbiit ne’ebe mak iha”. Nia subliña
Enkuantu, Partisipa iha Asina Memorandum Ida ne’e Mak hanesan Estrutura Reitoria UNTL no Estrutura Nasionàl Eskuteiru Timor Leste
Jornalista: Marcela Mery da Costa