Kardeal Dom Virgílio Fo Bensa Ba TL, Prezenti Bo’ot Ba Povu Timor

SAPNewsTL, Dili : Hafoin hetan investidura husi Santu Padre Francisco iha loron hirak liu bá, ohin Sua Eminénsia Kardeal Dom Virgilio do Carmo da Silva fila hikas mai Timor-Leste iha oras tuku hitu dader, iha Diskursu Reflektivu Kardeal Dom Virgilio hateten presente boot Kardeal ne’e nu’udar ksolok ba povu, ksolok ba Kreda Timor, ksolok ne’e mai husi maromak

Kardial Dom Virgilio hateten Loron Sábadu loron ida ne’ebe judeu sira atu harohan no Dialogu, nia hateten Amu-Lulik, Bispu, Kardial no Papa nia kna’ar mak atu haklaken Maromak nia liafuan

“Ita nia Na’i Jesus, molok atu halo misaun, hanesan baibain Sabadu nia ba Sinagoga, tanba loron Sabadu ne’e loron ba Judeu Sira atu harohan, Ita mos dader Ida ne’e halibur malu iha Katedral, Igreja Inan, atu ita iha momentu furak ne’e bele konese hafutar ho buat oioin,maibe tau iha sentru Maromak nia liafuan, Diakonu, Amu-Lulik, Bispu, Kardial, Papa Nia kna’ar maka haklaken Maromak Nia liafuan, Ita hotu sai hanesan profeta atu haklaken no haksolok ita nia moris ho Sakramentu sira”. Tenik Kardial Dom Virgilio iha Igreja Katedral Dili, Segunda 05/09/2022.

Dom Virgilio aumenta hatutan Grasa no Presente boot Kardial ninian ne’e atu fo ksolok  ba ema ida-idak ne’ebe mai husi Maromak liliu ba Timor oan iha rai-laran no rai-liur

“Grasa ka Prezente bo’ot Kardial ninian ne’e, Ita simu sai ksolok ba povu, ksolok ba kreda Timor, ksolok ida ne’ebe mai husi Maromak Ita ida-idak Senti iha Dia 29 de Maiu, wainhira notisia ne’e sai, tuir mai dia 27 de Agostu iha Roma, mai to’o ohin no Aban haree duni katak ksolok Ida ne’e la’os Ksolok ida ne’ebe Ita inventa no halo, Maibe ksolok ne’ebe Ita Senti iha ita nia laran, ksolok Jesus nian mai husi Maromak ne’ebe ita ida-idak hetan Atu haburas evagellu”. Dehan Kardeal

Entretantu, Nia fundamenta Jesus konvida ema hotu rona iha eskritura hodi Moris tuir Jesus Nia hanorin, kuida no haburas ksolok ne’ebe maromak fo ba Timor-Leste

“Jesus dehan, ohin kompleta ona buat ne’ebe imi rona iha eskritura, ohin maka momentu ida ne’ebe oportunu, ohin maka Tempu ne’ebe kairos, momentu ne’ebe ita halibur hamutuk atu rona, haka’as an nu’udar maun alin, Moris nu’udar Timor Oan ne’ebe loos, Moris nu’udar sarani ne’ebe loos, tuir Ita Nai Jejus Cristu Nia hanorin iha evangeliu nian”.Nia hakotu

Enkuantu, tuir observasaun Jornalista SAPNewsTL observa katak, wainhira Kardeal Dom Virgilio to’o iha Aeroportu Nicolau Lobato, Dom Virgilio Foti Liman fo bensaun ba sarani Timor-Leste, inklui sarani sira haklalak haksolok fo komprimentu ba Kardeal Foun, molok sarani sira simu tuir kultura no tradisaun.

Entretantu, iha serimónia resesaun ne’e simu direita husi Presidente da Repúblika Jose Ramos Horta, Presidente Parlamentu Nasional, Primeiru Ministru, Presidente Tribunal rekursu, Presidente CET, Padres, Madres, inklui entidades sira seluk

Jornalista : Luis Pailofo