Kari Fini Di’ak, APFTL Forma Foinsa’e 47 Iha Bobonaru

Kari Fini Di’ak, APFTL Forma Foinsa’e 47 Iha Bobonaru

SAPNewsTL, Bobonaro : Alumni Parlamentu Foinsa’e Timor-Leste (APFTL) fasilita formasaun Life Skill Basic Education (LSBE Sigla Inglês) ba foinsa’e sira iha orfanatu kiak serví kiak iha Halecou hamutuk 26, Postu Administrativu Maliana no Foinsa’e 21 iha Suku Meligo Postu Administrativu Cailaco Munisipiu Bobonaro

Iha Intervista Padre Belzito Assunção dos Santos SDB fo agradese ba APFTL tanba bele hili orfanatu kiak serví kiak hodi fo formasaun edukasaun bázika bazeia ba abilidade moris

“Ha’u agradese teb-tebes ba APFTL tanba bele mai iha fatin ne’ebé dook tebes husi villa, ha’u orgulhu tebes tanba sei iha foinsa’e sira ne’ebé iha vizaun no hanoin hakarak hakbesik an ba ema sira iha área rural hodi hodi hanorin no forma sira, maske estrada aat, mentalidade ema nian lá hanesan no dejafiu oioin maibe bele marka presenza iha ne’e”. Tenik Pe. Belzito Assunção dos Santos iha Halecou,Maliana, 27/09/2023

Diretor Eskola Sekundáriu Tékniku Vokasional Hafunan Timor no responsavel orfanatu kiak serví kiak ne’e husu ba APFTL hodi kontinua fo formasaun sira kona ba moris ne’e ba foinsa’e sira iha área rural sira tanba Timor oan sira ne’e presiza apoia sira iha formasaun no edukasaun ne’ebe bele hadia sira nia moris

“Ha’u rona APFTL naran boot, Ha’u kontente tebes haree sira mai no eduka foinsa’e sira, tulun kiak nia oan sira ne’ebe iha ne’e, Ha’u husu APFTL kontinua fasilita formasaun hirak ne’e ba foinsa’e sira hotu iha area aldeia Sira”. Pe. Belzito Assunção dos Santos hateten

Xefe Suku Meligo Amancio Barreto da Conceição, Cailaco, 24/09/2023

Iha sorin seluk, antes ne’e Xefe Suku Meligo Amancio Barreto da Conceição sente kontente tebes tanba bele APFTL bele fo formasaun ba foinsa’e sira iha Meligo

“Ha’u sente kontente tebes tanba APFTL bele mai iha Meligo hodi forma foinsa’e sira, hein katak bele produz foinsa’e ne’ebe diak no matenek ba Cailaco-Bobonaru iha futuru”. Xefe Suku Meligo Amancio Barreto da Conceição subliña, iha Suku Meligo, 24/09/2023

Iha sikun seluk, Partisipante Anita da Costa fo obrigadu ba APFTL no United Nations Children’s Fund (UNICEF) tanba bele mai to’o iha asrama hodi fo formasaun kona ba edukasaun moris nian

“Obrigadu barak no agradese ba APFTL no UNICEF tanba bele mai iha ami nia asrama hodi fo formasaun, fo hanoin, loke ami nia laran no neon, Ami espera sei sai oan ne’ebé diak no susesu iha família iha aban bainrua”. Anita da Costa hateten

Enkuantu, Formasaun ne’e la’o durante loron een nia laran, loron tolu iha Suku Meligo Postu Administrativu Cailaco (21-23/09/2023) no loron tolu iha Suku Ritabou Postu Administrativu Maliana (25-27/09/2023), Formasaun ne’e fasilita husi Membru APFTL, Formasaun refere realiza tanba APFTL servisu hamutuk ho UNICEF Timor-Leste. Foinsa’e sira ne’ebé partisipa iha formasaun ne’e hamutuk 47, entre sira foinsae 21 husi Suku Meligo no 26 husi Suku Ritabou

Jornalista: Marcela Mesquita Lemos

Share This

COMMENTS

Wordpress (0)
Disqus (0 )