India Sei Ajuda Setor Agrikultura, Petróleu & Rekursu Humanu
SAPNewsTL,DILI-Ministru de Estadu Das Relacões Exteriores da Repúblika da India, Ranjkumar Ranjan Singh hala’o enkontru ho Primeiru Ministru(PM), Kay Rala Xanana Gusmão hodi koalia kona-ba kooperasaun iha area agrikultura, petróleu no rekursu umanu.
Primeiru Ministru haktuir katak Ministru de Estadu das Relacoens Exterior da Repúblika India mai hodi koalia kona-ba ajuda nasaun India mai Timor no koperasaun ba iha area sira hanesan agrikultura, mina, no rekursu umanu
“Ministru de Estadu das Relacoens Exterior da Republika da india, mai atu fo hatene katak governu India iha dispojisaun tomak atu ajuda ita, no koopera ho ita iha area oioin deit hanesan agrikultura, oil Gas, rekursu umanu”.Dehan Primeiru Ministru Kay Rala Xanana Gusmão ba Jornalista sira iha Gabinete Fronteira Maritima, Palacio Governu,Segunda-feira(02/10/2023)
Nia haktuir governu mos sei fo treinamentu ba Timor oan sira iha area saude no teknologia
“Ministru mai atu temi hirak ne’e hotu no ami aponta hotu ona depois mak koalia ho embaixador India iha Timor, no ho Ministru sira ne’ebe mak presija.India mos deit fo treinamentu ba ita nia emar iha area saude, teknologia, no ajuda ita atu prepara ann hodi tama ASEAN”Nia Informa
Enquantu, Governu India husu atu governu Timor-leste servisu hamutuk ho sira iha area sira hanesan edukasaun, rekursu umanu, petroleu.
Alende ne’e ministru exteriores da Republika da India, Congratula Timor-leste tanba tama ona átu sai nu’udar membru ASEAN
Jornalista : Marcela Mery da Costa