Kazu Droga Iha TL, Madre Guilhermina Husu Alterasaun Ba Lei
SAPNewsTL, Dili : Relasiona ho kazu Droga ihaTimor-Leste, iha ne’ebe Tribunal Distritál Dili (TDD) ne’ebe fo Termu Identidade Rezidensia, Madre Guilhermina hateten Timor nu’udar nasaun independente ida, ema hotu presiza hakruk ba lei, tantu ema boot no ema kiik
Hafoin, Semináriu Nasionál komemora loron Falintil no loron konsulta popular orseik, Madre Guilhermina Marçal hateten lolos tenki implementa lei nú. 2/2017 liliu iha artigu 2 no 7
“Implemanta lei ne’e ho lolos, se imi haree lei kriminal artigu 7 no 12 iha dekreitu lei nú. 2/2017 ne’ebe dehan konsume pessoal ne’e hakman maibe buat ida naran droga ne’e atu halo transaksaun, vendas ne’e krime, ha’u hein katak sira ne’ebe mak halo lei ne’e tenke haforte liu tan liu husi alterasaun”. Dehan Ma.Gulhermina Marsal iha Auditorium FECT Hera, kuarta-feira (24/08/2022)
Nia hatutan hanesan sidadaun se se deit hakruk ba lei laiha diferensia entre sidadaun ida por ida,ne’ebe ita hotu tenke iha responsabilidade moral hakruk ba lei la bele halo diskriminasaun ba se deit.
“Ba joven sira, inan aman hotu katak presija hola atensaun iha ita nia moris ohin loron nian ita uza ita nia kapasidade intelektual kapasidade moral, kultural, religiosa atu kompleta malu”. Nia Esklarese
Iha fatin hanesan estudante Tito dos Reis Pilar Guterres FECT hateten droga bele estraga saude, impede estudante sira nia kapasidade intelektual, tanba ne’e mak sasan ilegal ne’e mak nasaun bandu ida ne’e
“Iha lei mos hateten joven sira ne’ebe mak konsumu droga ou hatama mai ita nia rai laran tenki hetan sansaun ida ne’ebe hatuur iha lei, katak ami la konkorda ho desijaun ida ne’ebe tribual hasai ba argiudiu nain sia(9) ne’e”. Nia hatate
Enkuantu, lider estudante ne’e mos husu ba joven sira atu evita no kontrola an hodi labele konsume aimoruk sira ne’ebe fo impaktu ba ema nia saude, labele konsumu alkohol inklui sira seluk hodi fokus deit ba futuru nasaun nian ne’e atu sai oinsa
Jornalista : Ekipa Kobertura
Editor : Ekipa Editorial