Kazu Ella Variana, Defensor Sérgio Ezije PNTL Husu Deskulpa

SAPNewTL, DILI- Relasiona ho Kazu Ella Variana ne’ebe halo Komentariu Hodi Hasai Liafuan Kroat Ba Líder Nasionàl Kayrala Xanana Gusmão, liga ba atuasaun ne’e, Iha Komunikadu Imprensa Ella Variana lamentável Tebes ho atuasaun Instituisaun PNTL ne’ebe halo reasaun ba nia hodi Hametin Injustiça iha Timor Leste

“Kontra abuzu Membru PNTL no imparsialidade media hahu husi ha’u nia komentáriu ne’ebe ejiji justisa ba ema hotu iha media sosial facebook ne’ebe viral ne’ebe hetan reasaun husi PNTL no media ne’ebe la imparsial ho ida ne’e ita haree knaar Instituisaun PNTL no media balun ohin loron kestionavel teb-tebes ne’e kontribui no hametin injustica social iha Timor-Leste.” Dehan Ela Variana ba jornalista sira iha Sede Movimentu Resistensia Social, Segunda (17/07/23)

Sidadaun ne’e lamenta tebes abuzu poder husi PNTL ne’ebe halo chamada sein keixa husi vitima, tan ne’e husu Ministériu Públiku hodi kondena Komandante Jeral PNTL ne’ebe abuzu poder no Konsellu Imprensa hodi kontrola Média hodi hato’o Informa lolos ba públiku

“Ha’u nu’udar vitima hakarak ejiji husu ba Ministériu Públiku atu kondena aktu Komandante Jeral PNTL ne’ebe pratika abuzu de poder, no husu ba Konselhu Imprensa atu kontrola Média sira hanesan RTTL, Hatutan, STLNews, no Tatoli hodi hato’o informasaun ne’ebe lolos ba públiku” Nia Salienta

Iha Fatin hanesan, Defensor Públiku Sérgio Dias Quintas husu PNTL hodi Rekunhese sala no hato’o Deskulpa ba Sidadaun Ella Variana

“Nu’udar sidadaun ida iha direitu ba onra no naran di’ak ne’e iha artigo 36 iha konstituisaun RDTL, alin ne’e hasai liafuan ameasa ne’ebe mak espalha iha media social facebook hodi polisia halo atuasaun, ha’u nia hanoin atuasaun polisia nian ne’e lalos polisia tenki kuidadu ninia atuasaun,selae bele halo kontra fali direitus humanus”. Nia hatete

“Husu instituisaun Polísia tenki rekonhese sira nia sala, sira bele publikamente ko’alia iha media rekonhese katak atuasaun ne’ebe mak PNTL liu husi sira nia elementu halo ba ita nia alin ne’e atuasaun ne’ebe mak sala no se bele karik husu ba Komandu Jeral atu husu deskulpa iha publiko tan ne’e labele repete tan hahalok ne’e”. Hakotu Nia

Enkuantu, Sidadaun Ella Variana hetan atuasaun husi PNTL Iha loron 12 fulan julhu 2023 mais ou menuz tuku 9, iha nia Rezidensia Manleuana Dili no submete ona ba prosesu investigasaun

Jornalista : Esmeralda da Silva