MACLN Sei Sai KO Ba Funsaun Públika Cup 2024
SAPNewsTL, Dili: Hafoin dada sorteiu iha selebrasaun loron funsaun públika 2023, Ministériu Asuntu Kombatente Libertasaun Nasional (sigla MACLN) mak sei sai komisaun organizador (KO) ba kompetisaun desportu hodi komemora loron funsaun públika iha 2024 .
“Ami sente hetan sorte simu hodi asume knaar nu’udar komisaun organizador ba kompetisaun desportiva hodi komemora loron funsaun públika iha 2024 tanba ohin ami simu tasa rotativa ida ne’e husi dada sorteiu nune’e ami sei prontu organiza tasa rotativa ho modalidade saida deit iha tinan oin”, Dehan Diretor Jerál Asuntu Kombatente Joaquim Carvalho de Araujo ba jornalista sira iha Centro Conveçoes Dili (CCD) Merkadu Lama, Dili segunda (16/07/2023).
Diretor Jerál hatutan, preparasaun ba ida ne’e sira sente bainbain ona tanba tasa rotativa ne’e laos foin akontese tanba kompetisaun desportiva antes La’o hela no ida ne’e mak sira sei kontinua la ses husi ida ne’e no modalidade sira sei hare’e ida ne’ebe mak atu realiza bainhira to’o funsaun públika nia loron iha tinan 2024.
Entretantu kompetisaun desportiva iha 2023 ne’e organiza husi Ministeriu Asuntu Parlamentu no Komunikasaun Sosial (MAPKOMS) servisu hamutuk ho Sekretariu Estadu Juventude Desportu (SEJD) realiza ona kompetisaun ba jogu basketebol no futsal entre feto no mane
Iha jogu basketebol feto mane no futsal feto mane partisipa husi linha ministériu sira no Sekretariu Estadu hamutuk 94, kompetisaun hahu iha loron 9 fulan juñu remata iha loron 13 fulan jullu 2023, manan nain ba kompetisaun basketebol mane, manan nain dahuluk mak Komisaun Funsaun Publika (KFP) simu tasa ida ho orsamentu montante 500 USD, daruak mak Ministériu Agrikultura no Peska (MAP) hetan tasa ida ho orsamentu 400 USD, datoluk mak Ministériu Justisa (MJ) simu tasa ida ho orsamentu 350 USD, dahaat mak Instituisaun Nasional Saúde (INS-TL) simu tasa ida ho orsamentu 325 USD.
Manan nain ba kompetisaun basketebol feto, manan nain dahuluk mak Hospital Nacional Guido Valadares (HNGV) simu tasa ida ho orsamentu montante 500 USD, daruak mak Ministériu Finansa (MoF) hetan tasa ida ho orsamentu 400 USD, datoluk mak Ministériu Edukasaun Juventude Desportu (MEJD) simu tasa ida ho orsamentu 350 USD, dahaat mak Ministériu Justisa (MJ) simu tasa ida ho orsamentu 325 USD.
Manan nain ba kompetisaun futsal mane, manan nain dahuluk mak Planu Nasional Dezenvolvimentu Suku (PNDS) simu tasa ida ho orsamentu montante 500 USD, daruak mak Ministériu Administrasaun Estatal (MAE) hetan tasa ida ho orsamentu 400 USD, datoluk mak Ministériu Saúde (MS) simu tasa ida ho orsamentu 350 USD, dahaat mak Ministériu Agrikultura no Peska (MAP) simu tasa ida ho orsamentu 325 USD.
Manan nain ba kompetisaun futsal feto, manan nain dahuluk mak Ministériu Finansa (MoF) simu tasa ida ho orsamentu montante 500 USD, daruak mak Sekretariu Estadu Formasaun Profesional Empregu (SEFOPE) hetan tasa ida ho orsamentu 400 USD, datoluk mak Ministériu Ensinu Superior Siensia Kultura (MESSK) simu tasa ida ho orsamentu 350 USD, dahaat mak Ministériu Justisa (MJ) simu tasa ida ho orsamentu 325 USD.
Reportajen: Augusto dos Santos