Kazu Motor Lakon, Henrique Deklara la Foti, Traziela Husu PCIC Buka Tuir

SAPNewsTL, Dili, 24 Junhu 2022 : Relasiona ho Motor Honda Xapa Matrikula S-0992 Iha Estasionamentu Fakuldade Engenharia Siénsia no Tekolojia UNTL Hera, loron 23 Fulan Junhu Orseik, Autor Henrique Boavida Gomes Viconha deklara la foti motor, Enkuantu Na’in ba Motor Traziela Maria de Araujo Gonsalves hato’o ona keixa ba Polisia Cientifika Investigasaun Criminal (PCIC) hodi buka tuir autor.

Tuir  Estudante Henrique Boavida Gomes Viconha, Semester I, Deparatmentu Enjenharia Sivil sente trizte tanba nia la hatene motor lakon iha ne’ebe, derepente ema duun nia iha nia pajina Privadu facebook Ricky Gomes ne’ebe nia la uza durante semana ida ona tanba password ladiak

ʺMotor Orseik lakon iha tuku ida liu, ha’u ezame médiu ba materia lingua portugues, kada ema ida ami tama ida-ida to’o tuku rua, balu ne’ebe tama uluk sira exame hotu tiha balu tama fali , balu ne’ebe exame uluk  hotu tiha sira sai uluk ,maibe  sira seidauk fila ba uma, ami sempre hein malu depois sai hamutuk mak ami ba hein ongras hamutuk, kolega sira ne’ebe motor iha entaun ami tuir sira, motor balu la to’o mai ami, entaun  ami bolu malu ba hein ongras hamutuk iha Estrada to’o ami fila ba uma״. Tenik Henrique Boavida Gomes Viconha ba Jornalista Sapnewstl iha kampus FECT-UNTL Hera, (24/06/2022)

Nia akresenta, nia lahatene motor ne’e lakon iha ne’ebe, maibe derepente ema uza nia ID Privadu ho naran Ricky Gomes ne’ebe durante semana ida nia la uza tanba Password ladiak

ʺDepois to’o iha uma hakfodak rona dehan motor lakon, maibe ha’u seidauk hatene problema dehan motor lakon, liu husi problema ida ne’e sira uza facebook ne’ebe mak ho ha’u nia naran dunik, sira posting motor ne’ebe mak lakon uza ha’u nia facebook, maibe facebook ida ne’e iha semana kotuk kedas ha’u tama la diak tiha ona, maibe ha’u hanoin tanba ha’u nia facebook ne’e kleur los tiha ona kata sandi mos kleur ona ha’u lahatene ne’e mak ha’u tama fali ladiak, entaun ha’u koko fali sandi ne’ebe barak mos ne’e koko ba koko mai mos ladiak״. Nia fundamenta

Nia subliña ema seluk mak uza ninia facebook hodi halo publikasaun ida ne’e, tanba semana ida ona nia la uza, depois derepente ema uza nia facebook hodi halo ida ne’e

ʺHa’u lahatene dehan ema seluk mak uza ha’u nia facebook ida ne’e, maibe durante ne’e ha’u nia facebook ida ne’e aat, dalaruma ha’u posting ha’u nia foto husi facebook seluk mos ha’u nafatin tandai ba, tanba ha’u lahatene katak ha’u nia facebook seluk ema uza, entaun iha kronologia ida horseik dehan motor lakon, hakfodak ema uza fali ha’u nia facebook ida ne’ebe  ladiak mak hodi posting fali motor ne’ebe mak lakon, Depois Husi ne’e mak ha’u foin hatene dehan hau nia facebook ne’e ema balu uza tiha ona hodi estraga hau nia naran”. Nia dehan

Iha fatin hanesan, Sasin Floriabela Lalu Lai, hateten informasaun kona ba motor lakon orseik, sira la hatene tanba motor lakon iha tuku ida liu, maibe sira sai husi ezame hamutuk iha tuku rua liu to’o iha bekora mak sa’e mikrolete keta-ketak

ʺami la hatene motor lakon orseik, ami to’o tiha uma mak foin kolega ida fo hatene fali ami, katak kolega estudante geologia ida nia motor lakon, depois duun ami dehan Estudante Enjenaria Sivil ida mak na’ok, tan ne’e ami la simu, tanba ami la hatene no la foti״. Nia subliña

Entretantu, Na’in ba motor  Traziela Maria de Araujo Gonsalves hateten  horseik tama aula iha uma hora , nia sai husi uma mai iha jam 12:43, nia to’o iha kampus jam 01:03, nia xave tiha motor, atu liu ba tama aula, nia hakat ba maibe nia haluha fali helem iha nia ulun, entaun nia fila fali ba to’o iha motor nia atu rai helem ne’e, nia loke bagasi atu hodi rai fali helem ne’e, depois ida ne’e mak nia haluha nia xave  iha motor ne’e

ʺEntaun ha’u tuir tiha aula to’o remata, ha’u atu fila mak foin sente xavi lakon, entaun ha’u komesa buka xave iha bolsu no ha’u nia kolega mane ida ho feto ida mak ajuda ha’u buka, maibe lahetan, ha’u ba liu haree iha ha’u nia motor maibe hateke ba motor laiha tiha ona, ha’u husu iha maun no bin kleaner sira ne’e maibe sira hatan lahetan motor ne’e, depois ha’u husu fali ba iha security sira mos lahetan motor ne’e.״. nia hatete

Estudante Traziela hatutan, hafoin motor lakon tiha, orseik kedas hato’o ona keixa ba Polisia Cientifika Investigasaun Criminal (PCIC), Polisia Tranzitu iha Kaikoli no Becora Cristu Rei atu buka tuir autor ne’ebe foti nia motor

ʺHa’u hato’o iha PCIC (Polisia Cientifika Investigasaun Criminal), depois ha’u ba iha tranzito kaikoli, ha’u ba fali iha Becora Cristo Rei nian,  ami ba iha ne’eba sira dehan ami hato’o hotu keixa ona, ne’ebe procesu sira mak halo hotu ona, ha’u hein deit, sira telefoni to’o ba fali kantor PCIC hodi resolve״. Nia hakotu

Enkuantu, kazu refere Nain ba motor Traziela Maria de Araujo Gonsalves hato’o ona keixa ba Polisia Cientifika Investigasaun Criminal (PCIC) atu buka tuir autor ne’ebe foti motor iha Estasionamentu Fakuldade Engeñaria Siensia no Teknolojia UNTL Hera.

Jornalista : Dolçio Antonino da Silva

Editor      : Sergio Alves da Costa