Kbi’it La’ek Haki’ak Balada Ho Kosar, Ukun Na’in Oho Entrega Ba Prizaun

SAPNewsTL, Dili : Liu husi komunikadu Imprensa Orseik, Forum Justisa Popular kondena aktu Administrador Munisipiu Covalima ho nia komitiva tanba organiza malu ho liman no kro’at oho komunidade nia balada sira ne’ebe povu hakiak ho sira nia kosar-ween monu husi rein-toos hodi hadia sira nia moris no fasilita oan sira ba eskola

Forum Justisa Popular hanesan Grupu ne ‘ebé luta ba justisa povu nian, fo sira ninia Solidaridade ba animal nia nain ne ‘ebe dadaun ne ‘e ho lian laek buka justisa tanba oho povu animál ne’ebé povu rasik hakiak ho kosar-been

“Iha momentu ida susar naresin, governu lokál la mosu mai hodi hadi’a povu nia terus, Maibé sira mai fali ho liman no kro’at sira seluk, hanesan loos militár Indonézia ho ema aat sira seluk iha tinan-1999, hodi oho povu animál ne’ebé povu rasik hakiak ho kosar-been, hakiak hodi fó eskola nia oan no balu investe ba futuru família uma-laran”. Dehan Membru Forum Justisa Popular Paulus de Araujo ba Jornalista sira iha Jardim 5 de Maiu, kuarta (12/10/22).

Entretantu, iha Tilomar, karau no bibi ne’ ebé sira oho iha fulan Agostu liu ba, entrega ba prizaun no uma mahon Salele. Enkuantu, prizaun no uma-mahon hetan finansia hosi povu liu hosi orsamentu jerál estadu

“Tanba sá mak oho tiha povu nia animál fó tan ba instituisaun sira ne’ebé hetan osan hosi povu ho montante ne’ebé boot, tanba sá, em nome sidade urbana tenki oho. Suai no Tilomar ne’e kategoria sidade urbana Ka keta suai ne’e, naran de’it mak sidade urbana maibé la priense kritéria hanesan sidade urbana, La’ós iha ne’e de’it, iha operasaun illegál ne’e mós, administradór ho nia kominitiva involve komunidade lubuk ida-ne’ebé iha poténsia boot hamosu konflitu horizontal uma-mane no mane-foun ka seluk tan”.Dehan Nia.

Forum ne’e konsidera, aktu administrador Covalima ho nia komitiva ne’ebé oho povu nia animál iha postu administrativu Tilomar, ne’e illegá, Tanba tuir lei higene publiku artigu-2, ambitu aplikasaun lei refere ba de’it sidade urbana. Tanba ne’e, aplika lei refere iha Postu Administrativu hanesan Tilomar, ne’e kategoria krime

“Ami konsidera, Administrador Covalima ne’ebe hatun despaixu hodi interpreta haluhan ámbitu aplikasaun ba lei higene publiku ba to’o kapitál postu administrativu hanesan Tilomar, Fatumea, Fohorem, no Suai-Vila iha fulan Agostu no Setembru , ne’e hamosu problema juridiku ne’ebe grave, tanba viola artigu 3 lei higene no orden publiku ” Hato’o nia

FJP salienta, Desizaun ne’e la ós de’it kontra lei Higene no orden públiku, maibe la Valoriza valór kulturál ne’ebe moris, buras no abut metin tebes iha area refere hahu kedas hosi bei-ala nia tempu.

Forum Justisa Populár eziji Administrador ho komitiva tenki selu fali povu nia animál ne’ebe sira oho iha area rurál Postu Administrativu Tilomar no suai ne’ebe substansialmente la tama kategoria sidade urbana, Hafoin selu, administrador ho komitiva tenki husu deskulpa ba povu, liu-liu hirak ne’ebe nia animál sira oho iha fulan rua liu ba.

Enkuantu, animal hirak ne’ebe mak autoridade munisipiu Covalima sira oho iha  Suku Lalawa, pertensia Aldeia Ai-Oan, mai diresaun sulu maudeiu nian iha area rural iha karau 2 mate no karau 2 seluk kanek to’o latama nia fatin no animal halai lakon sai fuik,  bibi 6 mak sira oho hodi entrega fila fali ba uma mahon no prizaun.

Jornalista : Antonio Tilman & Absalaun Da Costa

Editor      : Ekipa Editorial