Klube Académica Preparadu Kompete Liga Timorense 2023
Imajen: Jogador Klube Academica FC Treinu iha kampu futebol Comoro, Dili kinta (9/02/2023).
SAPNewsTL, Dili: Klube Divizaun Dahuluk Academica FC prepara ona hodi iha kompete Liga Timorense epoka 2023 tanba fo treinu ba jogador sira kuaze fulan ida ona.
“Academica Fc hahu hala’o preparasaun kuaze fulan ida ona no maibe ami nia jogador mak sei menus, ami nia jogador agora ami kontratu ona nain-17 ami sei buka tan jogador, maske ami nia jogador seidauk masimu maibe ami tenke fo konfiansa nafatin ba ami nia jogador sira tanba ita treinu mak ba kompete iha Liga Timorense epoka 2023”, dehan Treinador Luzinho dos Santos ba jornalista sira iha kampu futebol Comoro, Dili kinta (09/02/2023).
Treinador hatutan, maski sira sei buka jogador seluk hodi reforsa ekipa maibe ho jogador sira agora sira kontratu ona, daudaun sira kontinua fo treinu ba sira maka prepara fiziku, tama sistema formasaun, hanorin tekniku no tatiku fo ba jogador sira para kompete Liga Timorense epoka 2023, agora sira mos kontratu ona jogador estranjeiru ida husi Indonesia uluk joga iha AD SLB ho Cacusan FC joga iha divizaun dahuluk Liga Timorense iha tinan hirak liu ba
Iha fatin hanesan, jogador estranjeiru Dani Aryanto, hatete academica fc kontratu nia durante fulan tolu tanba Liga Timorense epoka 2023 sei la’o kuaze fulan tolu deit
“Ha’u kontratu ho Academica durante fulan tolu, tanba Liga Timorense epoka 2023 ne’e la’o kuaze fulan fulan tolu deit karik kontratu Academica FC hakarak aumenta kontratu mak hau sei aumenta” tenik Dani
Dani haktuir nia esperansa ba klube ne’e sei lori Academica FC mantein pozisaun divizaun dahuluk Liga Timorense maibe karik iha sorte bele lori sai kampiaun ba Liga Timorense epoka 2023.
Reportajen: Augusto dos Santos