Klube Fitun Estudante Prontu Kompete Divizaun Daruak Liga Timorense 2023
Imajen: Tekniku jogador Fitun Estudante Bernardino Vaz
SAPNewsTL, Dili: Klube Fitun Estudante prontu ona hodi kompete iha divizaun daruak Liga Timorense epoka 2023 ne’ebe sei komesa iha loron 23 fulan fevereiru 2023 tanba sira halo ona preparasaun masimu ba nia jogador sira.
“Durante ne’e ami treinu jogador sira ho maximu ona, ohin ami halo jogu amigavel ho Porto Taibesse FC atu hatene ami ekipa nia dezenvolvimentu hodi prepara ba joga iha divizaun daruak Liga Timorense epoka 2023”, dehan Tekniku Jogador Bernardino Vaz ba jornalista sira iha kampu futebol Taibesi, Dili tersa (14/02/2023).
Bernardino hatutan, Sira halo preparasaun maximu tanba sira nia jogador sira treinu loron maski sira hetan difikuldade maibe sira prepara nafatin para avansa iha divizaun daruak Liga Timorense epoka ne’e, sira sei lori jogador lokal sira deit husi jogador tuan sira hamutuk ho foun balun hamutuk nain-22.
Nia informa, Jornada dahuluk ihas divizaun daruak Liga Timorense epoka ne’e sira sei kontra Lica Lica Lemorai FC no garante sei manan jogu hodi hetan pontu tolu tanba sira objetu prinsal iha jogu tinan ne’e promovidu ba divizaun dahuluk Liga Timorense
Enkuantu, liga timorense 2023 sei aberta husi klube FC Portu Taibesi kontra FC Aitana iha Loron 17 semana ne’e, iha estadium munisipal de Dili
Jornalista : Augusto dos Santos