Klube La Satisfaz Desizaun Arbitrajen, Diresaun Husu Treinador Halo Protestu Bazeia Ba Faktu

SAPNewsTL, Dili: Diresaun Arbitrajen Federasaun Futebol Timor-Leste (FFTL) husu treinador sira klube divizaun dahuluk no daruak iha Liga Timorense epoka 2023 atu halo protestu bazeia faktu no hatama karta protesta iha oras 48 nia laran karik la satisfaz ho desizaun arbitrajen iha jogu laran.

“Futebol iha mundu ne’e klube sira halo protestu ne’e normal, tan ne’e  ita nia klube kestiona arbitrajen nia desizaun tenki bazeia ba faktu maibe treinador sira kestiona fali liafuan ne’ebe la merese jogador ko’alia iha kampu, treinador barak mak sempre kestiona bainhira arbitrajen fo kartaun ba jogador sira maibé sira la kestiona fali erru ne’ebe merese para atu kestiona ida ne’e mak hakarak fo hatene ba publiku para hatene tanba ami mos hatene arbitrajen sira dirije jogu iha sala ne’ebe halo protestu tenki ho karta protestu durante oras 48 nia laran”, dehan Diretor Arbitrajen FFTL Nivio da Costa Fernandes ba jornalista sira, iha nia knaar fatin Bairro Formosa, Dili tersa (7/03/ 2023).

Diretór hatutan, iha klube ne’ebe kestiona hanesan Karketu Dili FC lakon iha jogu, la satisfaz ho desizaun arbitrajen tuir lolos sira aprezenta erru ne’ebe arbitrajen halo tanba iha minutu 90 asesor arbitrajen nunka taka matan ba desizaun arbitrajen foti ne’e asesor hare’e kada minutu, durante ne’e Emmanuel FC mak hatama karta maibe liu tiha oras 48 tanba regra hatama karta protesta labele liu oras 48 sira labele hatan,  asesor arbitrajen hare’e treinador sira lolos kestiona sala fatal ne’ebe merese para kestiona maibe sira protesta fali ida ne’e la merese ne’e kestiona fali buat jogador hasai liafuan aat ne’ebe labele ko’alia iha kampu, ida ne’e hatudu katak treinador sira menus kunesimentu ba lei jogu nian

Nivio informa, sira rekunese sala ne’ebe arbitrajen halo durante jogu la’o maibe maioria klube sira labele dehan arbitrajen sala deit responsabilidade treinador iha ne’ebe  tanba manan ka lakon ne’e iha treinador nia liman labele depende ba arbitrajen depois arbitrajen mak sala hela deit, klube AD SLB Laulara kestiona kartaun mean ba jogador Zenivio Mota ne’ebe hetan kartaun kinur dahuluk iha minutu 25 no ba dala rua sai mean iha minutu 28 no Gumario Morreira hetan kartaun kinur iha minutu 48 no hetan kartu kinur daruak iha minutu 90, jogador nain rua hetan kartaun tanba koalia liafuan ne’ebe la merese atu koalia iha jogu laran ne’ebe viola regra lei jogu nian husi sala hitu lei jogu ne’ebe merese hetan kartaun kinur.

Nia akresenta, rekunese treinador sira nia protesta balun los no la los mak barak tanba sira ko’alia tuir versaun sira nian tanba sira la hatene regra, ezemplu sira hatene offside maibe sira la hatene offside iha tipu hira,  arbitrajen mak bele hatene, treinador labele hatete sira hatene hotu regra maibe lei jogu arbitrajen deit mak bele hatene detallu, treinador AD SLB Laulara dehan sira hatama karta protesta ba desizaun arbitrajen maibe to’o agora sira seidauk hatama karta karik sira hatama tenki aprezenta, sira rekunese arbitrajen sira halo iha jogu maka bainhira jogu remata sira sempre halo avaliasaun tan ne’e mak dala ikus muda arbitrajen sira

“Ita nia klube sira dala barak kestiona arbitrajen atu hadia maibe sira rasik hadia sira nia klube ka lae tanba arbitrajen sala dezde uluk kedas tanba durante ne’e arbitrajen sira seidauk afavor ba klube ida, arbitrajen hala’o nia dever deit dalaruma manajementu iha kampu ne’e sala sira rekunese maibe labele fo sala hotu mai arbitrajen”.nia salienta

Enkuantu, Antes ne’e iha loron 4 fulan Marsu ne’e klube SLB Laulara kestiona servisu arbitrajem tanba iha jogu parte dahuluk sira nia jogador Zenivio Mota hetan kartaun mean

“Ami ladun satisfaz ho arbitrajen dirije ami nia jogu kontra Emmanuel FC tanba iha jogu parte dahuluk ami jogador Zenivio Mota hetan kartaun mean maibe arbitrajen la fo sai tanba sa nia bele hetan kartaun mean depois iha jogu parte daruak nian ami jogador Gumario Morreira hakilar deit hetan tiha kartaun mean ne’e fo terus ba ami nia ekipa”, treinador AD SLB Julião Monteiro ba jornalista sira iha Estadium Munisipal Dili sabadu, (04/03/2023).

Reportajen: Augusto dos Santos