KM Aprova Proposta ASA Entre TL, Singapura No Indonésia
Ministru Presidénsia Konselhu Ministru Fidelis Manuel Leite Mangalhães
DILI : Liu husi Sorumutu Konselhu Ministru ne’ebe hala’o iha Palasiu Guvernu ohin, aprova resolusaun projetu Governu ne’ebe apresenta husi koordenador asuntu ekonomiku no aprova resolusaun parlamentu ne’ebe apresenta husi MNEK
Tuir Ministru Presidensia Konselhu Ministru, Fidelis Manuel Leite Mangalhães hateten reuniaun ordenariu konselhu Ministeiru ohin halo desijaun aprova projetu politika no estratejia ba setor privadu
“Ohin reuniaun iha konselhu Ministeiru halo desijaun hanesan tuir mai ne’e, primeiru mak konselhu Ministeiru ohin aprova projetu resolusaun governu, aprejenta husi kordenador asuntu ekonomiku kona-ba politika no estratejia ba setor privadu”. dehan Ministru Presidénsia Konselhu Ministru Fidelis Manuel Leite Mangalhães ba Jornalista sira iha palasiu do Governu, Quarta-feira(26/10/2022)
Nia haktuir tan Konselhu Ministeriu mos aprova proposta ASA ne’ebe akordu entre Timor-leste Singarupa no Indonesia
“Ohin konselhu Ministeiru mos aprova resolusaun parlamentu rua ne’ebe mak apresenta husi MNEK, proposta parlamentu nasional ne’e ba ASA(Akordu servisu Aero nian), entre Republika democratika Timor-Leste, Singapura no mos Indonesia” Tenik nia
Nia salienta projetu konstrusaun Manleuana River treaning works no Rede Drainajem DO4 ne’ebe mak apresenta husi MOP ho orsamentu milliaun 15,6 ne’ebe ohin aprova mos husi konselhu Ministeiru
“Ohin Konselhu Ministeiru mos aprova projetu ne’ebe mak apresenta husi MOP no autoriza prosedimentu aprovijonamentu ba MOP relasiona ho konstrusaun Manleuana River treaning works no Rede Drenajem DO4 iha kaikoli, no valor husi investimentu total hamutuk dolar Amerikanu milliaun 15,6” nia esklarese
Nia dehan tan Konselhu Ministeiru autoriza MTCI hodi halo lina akordu ho BNCTL ba implementasaun lina kreditu no transferénsia osan
Konsellu Ministrus delibera hodi autoriza MTCI hodi halo akordu ida atu halo despeza bazeia ba kontratu depozitu selebradu ho BNCTL ba implementasaun Lina Kreditu “Fasilidade Garantia Kreditu Suave” ho transferensia dolar amerikanu millaun limanulu husi konta tezouru ba BNCTL
Jornalista : Marcela Mery da Costa & Aquelina Taec