Kompaña PT Pupuk Iskandar Muda Indonésia Apoia Ekipamentu Ba CVTL

SAPNewsTL, Dili : Cruz Vermelha Timor Leste ( CVTL) hetan suporta ekipamentus total 191 husi Kompaña PT Pupuk Iskandar Muda Indónesia, objetivu husi apoiu ekipamentu hirak ne’e  hodi fasilita komunidade sira ne’ebe hasoru inundasaun no dezastre iha Timor Leste.

“PT Pupuk Iskandar Muda Indónesia sira iha komitmentu suporta ekipamentus mai  CVTL, ekipamentus sira mak pemelikis mak sasan  ne’ebe mak laos ai-han ne’ebe mak kruz vermelha hodi ajuda komunidade no vitima sira nia tulun, sira mos entrega ho lampada bainhira iha kalan ita bele uza hodi leno wanhira iha situasaun emerjensia bele uza”, Dehan Sekretariu Geral CVTL Luis Pedro Pinto ba Jornalista sira Salaun CVTL Farmosa Dili Tersa-Feira (11/10/2022).

Luis Pedro salienta suporta ne’ebe sira fo la’os para iha ne’e deit maibe PT Pupuk Iskandar Muda Indonesia sira mos ko’alia ba dezastre naturais, ekipamentus ne’ebe sira suporta sei kontinua nafatinba futuru

Entretantu, Ekipamentu ne’ebe PT Pupuk Iskandar Indonesia fornese ba CVTL iha etapa dahuluk mak hanesann pemelikis 40 no lampada 150, bero boarasa 1, hamutuk 191, nune’e CVTL bele utiliza hodi tau matan ba populasaun no familia vitima sira ne’ebe mak hasoru dezastre.

Sekretariu Geral CVTL ne’e Akresenta, CVTL kontinua programa formasaun ba komunidade sira iha munisipiu hodi prepara an hasoru risku no identifika rekursu sira inklui fatin ne’ebe risku ba komunidade, nune’e bele prevene komunidade husi risku dezastre

“Ami CVTL nia kna’ar ba iha informasaun  meteorolojia nian, ami haruka ona ba iha edifisio filial ida-idak iha 13 munisipio atu sira kontinua formsaun ne’eba iha komunidade no mos lao ba identifika rekursus no fatin ne’ebe mak hetan risku,  ami ekipa ne’e komesa reativa ona atu nune’e hasoru inundasaun no klima  ne’ebe mak populasaun sira hasoru ami bele atende lalais”, Hokotu Nia.

Iha fatin hanesan, Asisténsia Vise Prezidente Relasaun Públiku no Xefe Divizaun Planeamentu Kompanha PT Pupuk Iskandar Muda Indonesia, Dedi Ikhsan hateten Timor Leste ho Indonesia iha relasaun ne’ebe diak tebes tanba ne’e presiza apoiu malu iha setor sira ne’ebe prioridade ba komunidade

Enkuantu, Xefe Divizaun Planeamentu Kompanha PT Pupuk Iskandar Muda Indonesia Dedi Ikhsan aprofunda esperansa husi apoiu ekipamentu refere atu populasaun sira labele tarde husi ajudu sira ne’ebe importante ba sira nia moris no dignidade

Jornalista : Antonio Tilman

Editor       : Ekipa Editorial