Selebra Loron Mundial Ba Estudante, SEETL : Hafoun Moris Hateke Fila Ba Maromak
Imajen Intervista Xefe Komisaun Organizador Sorumotu Estudante Evanjelizasaun Timor Leste, Thurston
SAPNewsTL,Dili : Iha Ámbitu Selebrasaun Loron Mundial Ba Estudante, Sorumotu Estudante Evanjelizasaun Timor Leste ( SEETL) realiza semináriu ho tema “Hafoun”, hafoun estudante hot-hotu iha mundu tomak, Saudades los ba hafoun moris, hasoru ona dezafiu, polítika no dezastre Natureza nian, iha loron orasaun nian iha Fulan outobru nia laran mai ita hateke fila fali ba maromak.
“Loron ohin ami mai hamutuk realiza Semináriu hodi komemora loron Mundial ba estudante sira, atu motiva estudante liu husi aprende Lee biblia Sagrada, haforsa espíritu maromak nian ba sira liu husi orasaun, Oinsa sira bele la’o tuir dalan ne’ebe los ba futuru”. Dehan Xefe Komisaun Organizador Sorumotu Estudante Evanjelizasaun Timor Leste, Thurston ba jornalista SAPNewsTL iha Igreja ELSHADDAI Pantai Kelapa, Sábadu ( 15/10/22).
Nia hatutan, iha ambitu loron mundial ne’e, sira halo orasaun ba estudante sira husi sekundaria no universitariu sira iha Timor laran tomak, tanba sira mak Ai-rin ba nasaun.
“Ami halo Semináriu ida ne’e hodi halibur joven feto no mane estudante sekundaria no universitariu sira mai iha para ami hodi halo orasaun no fo koragem ba sira ne’ebe mak hasoru dezafiu no problema iha sira ida-idak eskola no kampus, atu nune’e atividade saida deit mak Sira hasoru nee bele la’o ho diak”. Nia Dehan
Imajen Estudante Universitariu no Sekundariu sira
Xefe Komisaun ne’e fundamenta, maromak sempre rona ema hotu no hamutuk ho ema hotu iha momentu said aba ema ne’ebe fiar no laran metin
“Liu husi loron mundial estudante ne’e, ita bele hanoin katak dehan sim iha dezafio maibe maromak sempre hamutuk ho ita, hafoun ita iha buat hotu, iha nia tempu ne’ebe mak Ita husu ba maromak, ha’u husu ba joven no estudante sira hamrik metin nafatin ho fiar katak buat hotu la’o ho maromak ne’e sempre diak no fasil mai ita”. Nia dehan
Enkuantu, nia sublinha liu tan, se joven mak ai-rin ba nasaun ida ne’e, tenki lori sira halo orasaun ba Sira nia estudu, liliu sira ne’ebe iha universidade privadu, eskola karun, sira hasoru dejafiu sira presiza hetan grasa, bensaun no tulun husi maromak
Jornalista : Antonio Tilman
Editor : Ekipa Editorial