Komunidade Hela Iha 10 Dezembru, MEJD Sei Buka Solusaun
SAPNewsTL, Dili: Hafoin lansamentu primeira pedra ba edifisiu foun eskola 10 de Dezembru Comoro, Ministériu Edukasaun Juventude no Desportu hateten MEJD hamutuk ho Ministeriu sira seluk, Autoridade Munisipiu no lider komunitariu sira sei buka solusaun ba komunidade sira ne’ebé hela iha ambiente eskola 10 de Dezembru Comoru.
Tuir Ministeriu Edukasaun Juventude no Desportu Armindo Maia katak atu fo solusaun ba kestaun ne’e presiza parte hotu nia envolvimentu.
“Ida ne’e prosesu naruk inklui mos envolve ona prosesu atu rezolve problema ida ne’e, deputadu sira mos mai to’o iha ne’e sira mos hatene situasaun ida ne’e, problema ne’e mai tempu naruk ona, ita agora buka hela solusaun, maibe solusaun ne’e la’os mai husi Ministru de’it, ne’e envolve ministru sira seluk no autoridade munisipiu, lider komunitariu sira hotu sei envolve”. Dehan Ministeriu Edukasaun Juventude no Desportu Armindo Maia ba jornalista sira hafoin lansamentu primeira pedra iha eskola 10 de Dezembro Comoro, Segunda-Feira, 22/08/2022
Ministru ne’e hatutan mestre sira ne’ebé hela iha eskola ne’e sira mos asegura ambiente eskola maibé la’os hanorin de’it.
“Komunidade sira ne’ebé hela iha ne’e mos sira lubuk ida mak Mestri ho sira nia familia, intervensaun ba responsanilidade Mestri sira la’os atu hanorin de’it maibé oinsa sira mos presiza asegura ambiente eskola ida ne’e ba prosesu aprendizajem ne’ebé di’ak, tanba sira nia oan sira, alunu sira ne’ebé eskola iha ne’e mos sira nia familia tanba ne’e ita hotu-hotu presiza asumi ida-idak nia responsanilidade”. Tenik MEJD
Governante ne’e fundamenta dadus komunidade hira mak iha ne’e foti ona nune’e atu muda sira presiza asegura sira minimu tuir lei.
“Posibilidade ne’e iha tanba ita agora daudaun ne’e hahu halo levantamentu dadus ema nain hira iha ne’e, servisu hamutuk ho lider komunitariu Xefe Suku, Xefe Aldeia sira iha ne’e no Terras Propriedades, ida ne’e mos besik merkadu iha ne’eba envolve mos Ministru Turizmu Komersiu ne’e tenki la’o hamutuk, ita presiza garante, ita la’os atu mai duni sira maibé sira atu muda ba fatin seluk ita presiza mos asegura minimu tuir lei ne’ebé iha ka kondisõens minimu sira bele muda husi fatin ida ne’e”. Nia hakotu
Jornalista: Esmeralda Da Silva
Editor: Luis dos Santos