Imajen Intervista Estudante Florindo da Conceição Pires
SAPNewsTL, Dili: Universidade Nasional Timor Lorosa’e (UNTL) liu husi Fakuldade Siénsia Sosiais, Departamentu Relações Internacionais realiza seminariu Nasional ho Tema “Introduction to the International Huminitarian Law”, objetivu husi semináriu ne’e hodi fo kunesementu ba estudante sira kona-ba lei humanitarian internasional.
Tuir Profesor Departamentu Relações Internacionais Bernado Idelino Letto katak seminariu ne’e realiza tanba iha koperasaun entre Universidade Nacional Timor Lorosa’e, liu-liu Fakuldade Siénsia Sosiais, Departamentu Relações Internacionais ho parte International Committee of Red Cross (ICRS), halo desaminasaun kona ba intrudusaun ICRC ne’e rasik no halo desaminasaun kona ba Lei huminitaria internasional.
“Lei humanitaria internasional ne’e, materia ida ne’ebe mak relevante tebes ho estudu Relações Internasionais,tanba materia lubuk ida, ezemplu hanesan,konflitus introdusaun publiku ne’ebé mak ligasaun forte ho huminitaria internasional tanba ne’e mak ami hanoin ne’e importante, ami kria koperasaun ida ne’e hodi nune’e fo konesementu ba alin estudante sira kona ba lei huminitaria internasional”. Dehan Bernado iha Salaun Centru Quesadhip Ruak Taibessi Dili, 6/10/2022.
Iha fatin hanesan,Oradora Eurozia Hornai hateten, seminariu ida ne’e realiza tanba sira servisu hamutuk estudante UNTL atu disemina lei humanitarian internasional ba estudante sira.
“Seminariu ida ohin ami fo ba Estudante UNTL, ami servisu hamutuk ho fakuldade Siensia Sosiais no liu-liu departamentu Relações Internacionais atu disemina Lei huminitarian internasional no saida mak ICRC nia servisu, Cruz vermelha internasional nia servisu, ami atu desamina ida ne’e, atu estudante sira bele hatene kona-ba saida mak Lei huminitaria internasional ninia funsaun no misaun”. Nia informa
Oradora ne’e fundamenta, sira mos iha materia ida ko’alia kona-ba konflitu no mos lei, nia espera katak materia sira ne’ebé mak ohin fo ne’e sira bele hatene no sira bele uza iha sira nia estudu no mos bele sai hanesan bukae ba sira lori to’o sira nia kareira.
Entretantu, estudante Florindo da Conceição Pires afirma, nia sente orgullu tanba bele hetan material ida ne’e hodi bele kunese lei humanitarian internasional.
“Ha’u nu’udár estudante sente orgullu,ida ne’e dalan ida ne’ebe di’ak, oinsa bele loke ami nia hanoin atu lori ami ba kunesimentu Lei huminitaria internasional i lori ami ba kunese saida mak ICRC nia servisu, apresia tebes bele loke nia hanoin kona-ba lalaok husi Lei huminitaria internasional no mos existensia Krus Vermelha ka ICRC nian”. Nia sublinha
Jornalista : João Marito & Marzinha Hornay
Editor : Ekipa Editorial