Lada’uk Asesu Osan Idozu & UKL, Inan Faluk Maria Sustenta Moris Ho Produtu Lokal
Imajem Intervista Inan Faluk Maria Ilbere, iha nia hela fatin sesta (17/02/2023)
SAPNewsTL, Aileu: Inan Faluk Maria Ilbere husi Aldeia Lausi-Laran, Suku Lausi, Postu Administrativu Aileu Villa, Munispiu Aileu ho idade avansadu moris mesak iha uma ida ho kondisaun la diak, inan faluk ne’e durante ukun an asesu ba osan idozu, Uma Kbiit Laek (UKL) ka Uma Naroman Ba Povu. maske nune’e, maibe inan faluk ne’e atu lakon nia hela fatin tanba area ne’ebe inan faluk ne’e hela ba guvernu sei konstrui Sidade Universtariu Aileu
“Moris fatin sai hanesan eransa hau prontu hodi defende hasoru governu tamba rai ne’ebe governo sira atu hari’i sidade universitariu iha Aileu tanba rai ne’e produtivu tebes hodi fo moris ba hau”, dehan feto faluk Maria Ilbere ba jornalista iha nia hela fatin sesta (17/02/2023)
Maria hatutan, Durante ne’e ladauk hetan apoiu ruma husi guvernu liliu osan idozu, UKL, maibe nia sustenta ninia moris ho deit produtu lokal ne’ebe nia kuda iha rai ida be nia hela ba
“Ha’u durante ne’e, ha’u la asesu ba osan idozu, UKL, Sexta-Bazika, Subsidiu $200, maibe ha’u kuda modo, kafe, sabraka haas, hudi, ai-farina fehuk, talas no tomate hodi sustenta nia nesisidade lor-loron, rai ne’ebe governu mai tau ona rede haleu iha kintal boot no uma ne’ebe daudaun hamahon an hela nu’udar feto faluk ida sei la hakiduk hodi defende ba rai ida ne’e, tanba komunidade no autoridade komunitariusira faan rai ne’e laiha rekoñesimentu husi nia tanba rai ne’ebe sira faan ne’e nia nain maka nia tanba nia mak oferese ba komunidade sira ne’e”.nia realsa
Imajem Inan Faluk Maria Ilbere, iha nia hela fatin sesta (17/02/2023)
Nia akresenta, nia hamriik mesak hodi defende nia rai ne’ebe nia hela iha rai nee tinan naruk nia laran maibe nia lakoi atu governu atu mai harii sidade univeristariu hodi duni nia sai husi rai ida ne’e, laos mane deit mak bele iha deritu ba rai maibe feto mos iha direitu ba rai tanba nia rona liafuan balun husi komunidade sira ba nia dehan feto nee laiha direitu para atu hodi defende ba rai ne’e maibe nia nafatin hamriik mesak hodi defende ba rai eransa ne’ebe mak fo produtivu tebes ba nia iha tempo naruk nia laran.
Enkuantu, SAP News TL mos tenta halo komfirmasaun ho Xefe Suku Lausi, la admite atu fo komentariu ba Media sira liga ho kazu ne’e, tanba nia hakarak hetan karta molok hetan intervista.
Jornalista : Antonio Tilman