MACLN Halo Abertura Ba Taça Veteranu 2023
Imajem Abertura ba Taça Veteranu 2023, iha resintu edifisiu SEJD Lecidere, Dili sabadu 18/02/2023
SAPNewsTL, Dili: Ministériu Asuntu Kombatete Libertasaun Nasional MACLN (sigla portuges) halo ona abertura ba Taça Veteranu 2023 hodi komemora loron veteranu nasional ba dala neen ne’ebe sei monu iha loron 3 fulan marsu tinan 2023.
“Ohin ita halo ona abertura ba Taça Veteranu 2023 ne’ebe ita hala’o jogu basketebol kompete ho ekipa ualu no futsal kompete ho ekipa sanulu ne’ebe ohin loke abertura jogu basketebol feto maka ekipa MACLN A kontra MOP no jogu futsal ekipa MACLN A kontra MAE”, dehan Diretor Jeral Interinu MACLN Aniceto Brites ba jornalista SAPNewsTL iha resintu edifisiu SEJD Lecidere, Dili sabadu 18/02/2023
Diretor hatutan, ohin ekipa sira hotu ne’ebe joga la mai partisipa abertura maibe ekipa sira ne’e atu halo jogu abertura mak mai partisipa no sira seluk sei partispa iha jogu ba loron tuir mai no bainhira ekipa ida la tuir jogu dala ida komisaun organizador sira sei foti desizaun ruma bazeia ba Technical meeting ne’e halo tiha ona tanba reprezentante ekipa sira partisipa hotu, jogu ne’e rasik komesa iha loron 18 fulan fevereiru 2023 no remata iha loron 2 fulan marsu tinan ne’e, premiu ba jogu kampiaun sei hetan 750 USD ho tasa rotativa ida, manan nain daruak simu 550 USD ho tasa, manan nain datoluk simu 300 USD ho tasa.
Aniceto informa, jogu futsal partisipa ekipa sanulu mak MACLN A, MACLN B, RENETIL, Comite 12, MAE, BOP, SEJD, CNC, Alfandega ho MOP no jogu basketebol partisipa ekipa ualu feto mane mak MACLN A, MACLN B, MOP, MSSI, CFP, RENETIL, PONTA LESTE, SEJD, CNC, ADOANEIRO mai husi lina ministerial sira iha Timor-Leste tanba limitasaun tempu labele fo ba ministeiru hotu atu partisipa, jogu ne’e fundu apoiu rasik husi MACLN ho orsamentu montante 9.120 USD ne’ebe ba tinan oin sei realiza tan karik fundu iha tanba ne’e la tama ba planu prioridade MACLN.
Entretantu iha jogu abertura ba futsal nian jogu abertura MACLN A manan MAE ho skore 4-3, jogu daruak ekipa BOP manan SEJD ho skore 8-4 no jogu basketebol feto MOP manan MACLN A ho skore 16-26, mane ekipa MOP manana MACLN A ho skore 56-21.
Reportajen: Augusto dos Santos