Veterana Kasian Laran Moras, Ulun Nasaun Sira Falta Iha Loron Veteranu

SAPNewsTL, Dili : Hafoin partisipa iha Loron Nasional Veteranu ba dala neen iha Palasiu Guvernu Dili, Veterana Madalena Bidau Kasian sente trizte tanba nain uln sira la partisipa iha selebrasaun loron veteranus ba dala neen

“Maun boot sira deside loron 3 de marsu sai loron veteranu ninian, iha momentu ne’e mak forsa sira reorganiza fali, halibur ema hotu-hotu hamutuk iha movai kona ba loron 3 de marsu, tina-tinan ita selebra 03 de marsu hanesan loron nasional ba veteranus, maibe, ohin ha’u ladun kontente no senti laran moras tanba Maun Boot sira hanesan Xanana, Mari Akatiri, Ramos Horta, Lu Olo la marka presenza,  “. tenik Veterana Madalena Bidau Kasian iha CCD Sesta feira 03/03

Veterana ne’e hatutan lider sira bele ko’alia politika barak, maibe tenki ko’alia barak liu ba desenvolvimentu hodi hadia povu nia moris liliu kiak no veteranu nia oan sira

“Husu Responsabilidade maun bot sira nian, ko’alia politika barak tenki ko’alia barak liu ba dezenvolvimento, atu haburas , hadia no tau matan ba Timor oan sira nia moris no veteranus nia oan sira, faluk no Oan kiak sira Hotu, maun boot sira presiza hamutuk ho veteranu sira hodi desenvolve nasaun ne’e hodi hadia rai ida ne’e”. Dehan Veterana Madalena

Nia akresenta, Kiak iha Timor Leste laos veteranus deit maka familia moris kiak maibe populasaun ne’ebe Timor Leste laran tomak to’o agora, ukun an to’o agora balun hetan diak, balun ladiak, veteranus balun hetan osan, sira ne’ebe seidauk hetan osan halerik nafatin

Nia salienta, governu presiza tun ba terenu, la’o iha estrada, haree no kontrola, se mk iha kbiit laek, se maka iha moris ladiak, han hemu la to’o mos la rona, guvernu presiza apoia sira, tanba durante ne’e iha ema ne’ebe besik malu mak bele ajuda ba malu,

“Ami ajuda tuir ami nia kbit, ami nia kbit la’os makas liu kbit naton, ami nia moris maibe ami hakarak ajuda mos maluk ne’ebe kbiit laiha liu, Labele tur deit iha fatin analiza liafuan Dehan Ema kiak, ema kbit laek iha fati-fatin, Maibe presiza tun ba baze hodi ajuda ema kbiik laek sira, prezisa ema ne’ebe besik iha ne’eba mak bele hatene lolos”. hatete nia

“Se Nai ulun sira fahe malu tiha, se tan mak atu bele haree buat hotu-hotu, Nai ulun sira kuando 03 de marso hanesan ne’e la mai para rona veteranus sira nia halerik, lakoi besik rona ita nia komunidade, juventude feto ho mane sira nia halerik, Ohin ne’e ema nain Tolu deit maka ko’alia ba ita rona, no fo moral ba ita, ha’u ko’alia tanba fo isin lolon ba ukun rasik an mak ha’u koalia ne’e se ha’u tur deit la barani ko’alia hasoru Maun Bot sira”,hakotu nia

Enkuantu, Partisipa iha Komemorasaun ne’e mak Presidente Parlamentu Nasional, Tenente Jeneral Lere Anan Timur, Agustinho Sequeira Somotxo, Deputadu sira, Membru Oitavu Guvernu Konstitusional no konvidadus sira hamutuk ho veteranu sira no populasaun sira

Jornalista : Conzita Mota