Úniku Kapitál Nasaun Iha Mundu, Komunidade Fuan La’ek Soe Fo’er Arbiru

SAPNewsTL, Dili : Kondisaun Ambiental Iha Kapital Nasaun, Dili, Timor Leste, Liliu Drainajem Ka Valeta sira iha Kapital Kontinua Sai Fo’er, Dóis no Intupidu Tanba Konsiénsia Komunidade Sira Nian Hahú Laek no Dodok husi loron ida ba loron ida

Entretantu, Fo’er Sira Ne’ebe Sai ona Kultura Soe arbiru Komunidade nian Mak Hanesan Água, Plástiku, Sigaru Rohan, Roupa Uzadu, Doos Sira, Bessi Uzadu, ai-tahan, ai, no Seluk Tan. Fo’er Sira ne’e Kuaze iha Fatin hotu-hotu Liliu iha Lesidere, Komera, Bairro Pité, Kaikoli, inklui fatin Sira seluk

Timor-Leste Ninia Saúde Públika Iha Kestaun, Ambiente Dili Kestionavel, Valeta sira iha Kapital Dili lá sufisiente hodi koresponde ba Kapasidade Bee no Fo’er Sira Hodi transporte Fo’er Sira ba Tasi. Tasi Ibun Sira iha kapital Dili Sai Fo’er no ameaça ba ema nia saúde liliu ikan sira no balada moris sira iha tasi-laran

Tuir observasaun Ne’ebe Jornalista SAPNewsTL Hala’o nota katak :
1. Lixeiru guvernu hari’i Iha fati-fatin, Maibe Komunidade Sira la Soe Foer iha Fo’er Fatin maibe Kontinua Soe arbiru iha Luron no valeta Kuak Sira

2. Komunidade Soe Foer komforme Vontade, La Obrigadu hodi Soe iha lixeiru, Maske Fo’er ne’e Rasik produz susuk, dois Hodi Lori moras Sira hanesan malária, Dengue, Isin Manas no moras Sira Seluk Tan

3. Kada Loron karreta Raut Fo’er ka Saneamentu Kontinua transporta Fo’er Sira ba Tibar, Maibe Fo’er Sira Kontinua Sai barak tanba Komunidade kontinua Soe Liliu Sira Ne’ebe lá Soe iha Fatin Ne’ebe definitivu

Tuir informasaun Ne’ebe jornalista hetan husi parte Governu no Presidente Autoridade Munisipiu Dili, katak Sira tau ona lixeiru iha Fati-fatin maibe Komunidade no estudante sira la tau foer tuir liseriu Ne’ebe prepara ona, situasaun ne’e bele lori ameasa ba saude publika tanba ambiente la seguru no moos

Konsekuénsia Negativa

1. Soe Foer arbiru Sei Produz susuk barak, Wainhira susuk tata Ema, sei transmite Fo’er hodi Rezulta moras Sira hanesan Malária, Dengue, Isin Manas, TBC, Mear, Ulun Moras, Matan Mean, isin manas, no moras Sira Seluk Tan

2. Wainhira Udan, Komunidade Sira Sei Afetadu ba inundasaun Sira hodi Lakon uma, Bee Sa’e, Sasan Hetan Estragus, Komunidade la seguru no bele Lori Mate ba Komunidade Sira, hanesan Uluk 4 de Abril 2021 Ne’ebe ema balun tenki lakon vida hó Dezastre Natural

3. Komunidade Sira Moris iha Ámbiente Ne’ebe la Saudável, Seguru, Komfortavel no Hakmatek tanba Ámbiente ládiak no lá moos

4. Ambiente la moos, Hatudu Imajem Negativu ba Mundu, Katak Sidadaun Sira sei falta Konsiénsia no laiha Domin ba Protesaun Ambiental, la iha respeitu ba ninia kapital Nasaun Nian tanba lá proteja, kontrola, hadomi no Kuidadu Ninia Ámbiente, maske iha Ona Lei Ambiental no Lei RDTL Ne’ebe Ko’alia kona ba Protesaun Ámbiente

Rekomendasaun Sira :
1. Timor-Leste tempu ona hodi implementa polítika Zero Plástiku hodi Hamenuz Fo’er Sira iha Kapital Nasaun Timor Leste inklui iha Munisipiu sira

2. Timor-Leste presiza Promove no Desenvolve Polítika R³ Resicle, Reduse and Reuse (Resiklajem, Redusaun no Uza Fila Fali)

3. Autoridade Munisipiu Dili Presiza Konsensializa, Sensibiliza no Dinamiza Impaktu Ambiental no Meiu Ámbiente ba Populasaun Sira Ne’ebe Hela Iha Kapital Nasaun inklui iha Postu Administrativu sira

Konkluzaun
Mudança Klimátika Ne’ebe Udan Mai la tuir Ninia Tempu, Timor Oan sira liliu Sira Ne’ebe Hela iha kapital Dili tenki uza Konsiénsia, toma atensaun no Asegura Ámbiente Ne’ebe moos, Matak no Buras Ba Ema Hotu, Ema Hotu iha Direitu Moris iha Ámbiente Ne’ebe Moos, maibe Ema hotu-hotu mos iha dever hodi Kuidadu Ámbiente Ne’ebe saudável liu husi la soe foer arbiru no soe foer iha foer fatin

Jornalista : Antonio Tilman