Feto Iha Direitu Ba Rai, Inan Faluk Maria La Admite Atu Husik
Imajem Inan Faluk Maria Ilbere, iha nia hela fatin sesta (17/02/2023)
SAPNewsTL, Aileu: Relasiona ho Kontrusaun Sidade Universitariu Aileu ne’ebe halo ona lansamentu iha tinan 2021, ne’ebe sei hasai komunidade uma kain 59, inan faluk Maria Ilbere prontu defende nia rai hasoru governu ne’ebe atu hari’i universitariu tanba nu’udar eransa husi beiala sira ne’ebe fo moris ba nia.
“Moris fatin sai hanesan eransa hau prontu hodi defende hasoru governu tamba rai ne’ebe governu sira atu hari’i sidade universitariu iha Aileu tanba rai ne’e produtivu tebes hodi fo moris ba ha’u”, dehan feto faluk Maria Ilbere ba jornalista iha nia hela fatin sesta (17/02/2023)
Maria hatutan, nu’udar feto faluk ida sei defende ba rai ne’e tanba rai ne’e produtivu tebes hodi kuda modo, kafe, sabraka haas, hudi, ai-farina fehuk, talas no tomate hodi sustenta nia nesisidade hodi halo nia hamahan nia iha tempu udan loron no kalan hodi deskansa, rai ne’ebe governu mai tau ona rede haleu iha kintal boot no uma ne’ebe daudaun hamahon an hela nu’udar feto faluk ida sei la hakiduk hodi defende ba rai ida ne’e, tanba komunidade no autoridade komunitariu sira faan rai ne’e laiha rekoñesimentu husi nia tanba rai ne’ebe sira faan ne’e nia nain maka nia tanba nia mak oferese ba komunidade sira ne’e.
Nia informa, maski nia hamriik mesak hodi defende nia rai ne’ebe nia hela iha rai ne’e tinan naruk nia laran maibe nia lakoi atu governu ba harii sidade univeristariu hodi duni nia sai husi rai ida ne’e, laos mane deit mak bele iha direitu ba rai maibe feto mos iha direitu ba rai tanba nia rona liafuan balun husi komunidade sira ba nia dehan feto ne’e laiha direitu para atu hodi defende ba rai ne’e maibe nia nafatin hamriik mesak hodi defende ba rai eransa ne’ebe mak fo produtivu tebes ba nia iha tempo naruk nia laran.
Feto faluk aumenta tan, relasiona ho probelma ba rai ne’e nu’udar feto faluk nunka hetan suporta husi governu no autoridade lokal sira hanesan Uma UKL, sexta bazika, bee mos no osan idozu, tan ne’e nia loron loron hodi modo no aifuan sira ne’e ba fan fali mak hodi sustenta nia moris no hadia uma, maske la hetan fornesemetu husi Governu no parte relavante sira hotu maibe feto faluk ne’e nafatin hamrik mesak hodi defende ba rai ne’ebe mak agora akontese ne’ebe governu duni sai feto faluk ne’e maibe feto falok ne’e nafatin defende ba rai mate ka moris nafatin defende ba rai ne’e
Jornalista : Antonio Tilman