Fulan Ne’e, Uma Kain 72 Sofre Dezastre Natural
SAPNewsTL, DILI- Autoridade Protesaun Civil (Sigla APC), registu uma hamutuk hitunulu resin rua (72) hetan estragus durante semana ida, dezastre ne’e mosu hahú husi loron 5 to’o 11 Fulan Marsu 2024 iha munisipiu hitu(7).
Tuir Porta Voz, Xefi Komunikasaun Autoridade Protesaun Civil João de sousa Filipe hateten dadus husi loron 5 to’o loron 11 marsu 2024, APC rejista uma hamutuk 72 mak sofre dezastre iha munisipiu hanesan Aileu, Atauro,Baucau, Covalima, Ermera, Manufahi no RAEOA.
“Dadus registu iha munisipiu Ainaro Postu Hatubuilico Suku Nunumogue, Aldeia Hatubuilico, akontese Ahi han komunidade nia uma 1 no akontese rai halai afeita komunidade nia uma 3. Dadus husi suku ne’e ekipa turnu III registu iha loron 18/03/2024, postu Hatu-udo Suku Leolima, Aldeia Muabuku, iha loron 19/03/2024, akontese Ahi han komunidade nia uma 1. Dadus husi suku ne’e ekipa turnu II registo iha loron 20/03/2024”.Dehan porta voz João de Sousa Filipe ba jornalista sira iha edifisiu APC,Segunda-feira(25/03/2024)
Nia Informa katak iha munispiu Atauro komunidade nia uma rua(2) mak hetan estragus husi anin, no munisipiu Bobonaru familia rua(2) mak hetan dezastre husi anin no rai halai.
“Munisipiu Atauro komunidade afetadu hamutuk Postu Atauro Suku Villa Maumeta, Aldeia llitecaraquia, iha loron 15/03/2024, akontese Anin Sobu komunidade nia uma 2. + Dadus husi suku ne’e ekipa turnu II registu iha loron 20/03/2024. Munisipiu Bobonaro Postu Cailaco Suku Atudare, Aldeia Tuturema, iha loron 12/03/2024, akontese Rai halai komunidade nia uma 1. Suku Atudare, Aldeia Atubuti, iha loron 12/03/2024, akontese Rai halai komunidade nia uma 1. Suku puruburu, aldeia Hedah, iha loron 12/03/2024, akontese anin sobu komunidade nia uma 1″haktur nia.
Enkuantu, iha Postu Maliana iha loron 16/03/2024, suku saburai akontese Rai halai komunidade nia uma 1. Postu Balibo Suku Batugede akontese anin sobu komunidade nia uma 1. Postu Bobonaro Suku Tapo, iha loron 12/03/2024, akontese anin sobu komunidade nia uma 1.
“Munisipiu Covalima Postu Suai Villa Suku Suai Loro, Aldeia Mane ikun, iha loron 19/03/2024, akontese Anin Sobu komunidade nia uma 1. Dadus husi suku ne’e ekipa turnu II registo iha loron 20/03/2024”.
Komunidade hirak ne’ebe sofre dezastre naturais refere agora daudaun ekipa APC rejistradu ona no vitima hirak ne’e sei hetan apoia husi governu iha tempu badak.
Jornalista : Dircia Baptista Belo