Manan Spiro 3-2, FC Nicolau Sai Kampiaun CCM Cup 2023
SAPNewsTL, Aileu : FC Nicolau sai kampiaun ba CCM Cup 2023 femenina hafoin manan nia adversariu ho skore 3-2 iha jogu final iha loron 27 fulan Agostu 2023.
Jogu Futsal Feminina CCM Cup iha Daisoli tinan ne’e hala’o ba dala tolu, FC Nicolau hosi Aileu konsege sai kampiaun iha tinan ne’e tanba tinan kotuk sira Ekipa PICOMA hosi Maubisse mak sai kampiaun, iha jogu final ne’e ekipa FC Nicolau hosi Aisirimou Aileu mai ho jogador kompletu tanba motiva-an atu bele manán no Spiro FC hosi Dili, la konsege mai ho jogador kompletu tanba jogadora na’in 3 hetan probelma fiziku.
Maski nune’e jogu ne’e furak tebes tanba ekipa rua konsege hatudu jogu atraktivu ba adeptu sira nune’e to’o jogu remata rezultadu skore 3-2 manan husi FC Nicolau
Iha jogu parte dahuluk ekipa rua nia rezultadu jogu impata 1-1, golu husi FC Nicolau marka husi Marcia no golu husi Spiro marka husi jogadora kapitaun Binorah
Tama ba jogu parte daruak nian FC Nicolau marka tan golu rua no Spiro FC marka golu ida deit nune’e FC Nicolau manan jogu ho skore 3-2 kontra Spiro FC, nune’e FC Nicolau sai kampiaun ba CCM Cup 2023 femenina.
Manán na’in iha CCM Cup ne’e FC Nicolau hetan premiu osan montante 350 USD, SPIRO FC maski lakon iha jogu final, hetan prémiu nu’udar mellor klube hetan osan montante 250 USD.
Komisaun organizador sira mos prepara premiu ba jogadora junior Afi idade 12 husi FC Lalika no Vinca idade 11 husi Spiro FC, manan datoluk mak FC Nazaré, hosi Seloi no dahaat mak PICOMA husi Maubisse, Maibé Komisaun mos prepara premiu ba manan nain datoluk to’o da-ualu.
Bainhira fahe premiu ba manán na’in sira Prezidente Komissaun CCM Cup, Padre Mouzinho iha nia diskursu katak, CCM Cup hala’o ba oan feto sira nu’udar eskola oan sira atu aprende joga
Padre ne’e mos enkoraja inan-aman sira atu apoiu nafatin sira nia oan atu bele partisipa iha tinan oin mai, iha juñu to’o agostu 2024,
“Tinan sira ne’e la hetan finanseiru husi patrosinador sira maski sira hatama pedidu husi komisaun maibe la konsege hetan suporta orsamentu, osan mai de’it husi Consellu Superior Estasaun Missionária”.Tenik Presidente KO Pé. Mouzinho Pereira Lopes liu husi nia Diskursu iha Kampu Daisula, Aileu,27/08/2023
Eventu ne’e organiza rasik husi Padre Mouzinho Pereira Lopes no mos hosi CCM oan sira nebé tulun malu hodi bele realiza eventu ne’e.
Jornalista : Augusto dos Santos