Loron FALINTIL Ba Dala 48⁰ Sei Komemora Iha Fronteira Bobonaru

SAPNewsTL,Dili: Maijor Jeneral F-FDTL Coliati hasoru malu no Konvida Presidente da Repúblika Jose Ramos Horta hodi partisipa iha serimonia Loron FALINTIL 20 de Agostu 2023 iha Fronteira.

“Mai hasoru Presidente da Repúblika Jose Ramos Horta, husu hodi partisipa iha Serimónia Loron FALINTIL 20 de Agustu 2023 iha fronteira tanba tinan ida ne’e Komandu FALINTIL ho Ministro da Fefeza deside atu hala’o iha Munisipiu Bobonaru iha Odelgomo, fatin konsentrasaun ba ita nia FALINTIL husi fronteira Costa Sul”. Tenik Maijor Jeneral F-FDTL Coliati iha Palasiu Presidensial Aitarak-laran Dili, 01/08/2023

Maijor Coliati hatutan, Prezidente Repúblika Kontente simu konvite ne’e no prontu atu partisipa iha Serimónia ne’e

Nia informa, Presidente Repúblika Ramos Horta hakarak kondekora lider sira ne’ebe uluk servisu hamutuk ho Guvernu Indonesia, Durante okupasaun hanesan de eis administrador, Xefe Suku no Aldeia sira

“Ita nia lider sira ne’ebe uluk servisu hamutuk iha governu durante okupasaun nian,sira ne’ebe uluk servisu ho indonesia hanesan administrador, Xefe Suku ou Aldeia,sira ne’ebe halo kontribuisaun ba rai ida ne’e, Presidente hakarak rekoñese sira nia servisu hodi fo medalha ba sira, hanesan Sr. Jaime de Oliveira Eis Administrador husi Munisipiu Oe-cusse, nia muda mai Munisipiu Liquisa no iha Liquisa nia halo kontribuisaun bo’ot hanesan”,Dehan Maijor

Nia akresenta, Estrada ne’ebe ohin loron ligasaun Liquisa ba Postu Administrativu Maubara no tasi ibun ne’ebe tesik ba mota Loes, Sr.Jaime De Oliveira la uja tempu ida ne’ebe indonesia sira fo ba nia hanesan administrador, maibe Nia uza osan refere hodi halo estrada

“Osan ne’ebe fo ba nia karik ita ukun aan ne’e ita to’o maubara leten luan to’o ba foho leten ne’ebe dala ruma ho karreta sira ne’ebe lori sasan todan, ita bele hela semana tomak to’o tempu udan para mak bele to’o foho tutun.maibe ita sorte bo’ot iha tempu indonezia Eis Administrador Sr.Jaime de Oliveira nia uja osan ne’ebe mak indonesia fo nia hodi loke estrada,ita nia estadu hamrik ona tenke rekunese katak kontribuisaun ne’ebe Timor oan sira halo iha tempu ne’eba”. Nia hatete

“Ha’u mai hato’o deit Sr.Jaime De Oliveira tanba nia Administrador Munisipiu Liquisa, Ha’u hatene kona ba,Sr.Jaime de Oliveira nia servisu no nia hahalok, hanesan Liquisa oan Ha’u labele taka matan ba buat ne’ebe diak nia halo no nia kontribui ba rai ida ne’e, Ha’u labele hare ba veteranus sira deit katak,veteranu mak halo funu ba rai ida ne’e,no sira deit mak merese atu hetan medalha”.

Enkuantu, Fatin Odelgomo, Munisipiu Bobonaro hanesan baze militar ba Maijor Jeneral Coliati iha Tempu Funu nia laran, Nune’e Maijor Coliati hakarak hala’o serimonia Nasionàl ida ne’e hamutuk populasaun sira iha Ne’eba

Reportazen:Domingos Ferreira