MAPCOMS Apresenta Resultadu Peskija Kona-Ba Asesu Públiku Iha Sosial Média

SAPNewsTL, Dili – Ministeriu ba Asuntus Parlamentares no Komunikasaun Social, liu husi diresaun nasional diseminasaun informasaun realiza seminariu nasional, objetivu husi seminar ne’e atu bele hatene benefisiu husi serbisu diseminasaun informasaun iha meius sira komunikasaun social nian, iha media elektronika, imprensa no online iha media estatal no privadu sira.

Tuir Diretor DNDI Estevão da Costa Belo haktuir papel importante maka hala’o servisu ezekusaun, kordenasaun no avaliasaun ba serbisu komunikasaun social nian, portantu, Objetivu husi Seminariu ne’e atu apresenta resultadu peskija koba-ba asesu publika iha media komunikasaun sosial

“Nia objektivu mak atu aprejenta rezultadu peskija kona ba publiku nia asesu ba media komunikasaun social, atu kompleta rezultadu final peskija ida ne’ebe hahu halo husi fulan maiu tinan 2021 to’o agustu 2022, ne’ebe halo ona iha munisipiu sanulu resin hat(14) ho total hamutuk 2393, prosesu rekola halo iha postu administrative rua (2) husi kada munisipiu nia laran ho suku 101 no universidade rua (2) maka iha komunikasaun social.” Nia tenik ba Jornalista Sira iha salaun Delta Nova, 10/11/2022

Nia akresenta, peskija refere la’o durante tinan ida, Metodu ida ne’e aplika iha procesu rekola dadus mak uza kestionariu hodi fahe ba sidadaun sira ne’ebe uza meius komunikasaun no mos informasaun.

“Procesu peskija ida ne’e la’o durante tinan ida no lansamentu husi orsamnetu jeral estadu 2022, ho prosesu regulasaun dadus liu husi analiza dadus, no prosesu hakerek relatoriu bazeia ba dadus ne’ebe koleta ona husi MAPKOMS”. nia dehan

Iha fatin hanesan Xefe Departamentu Peskijador no analiza media Lidia Assunção das Neves hateten atu aprezenta rezultadu peskija ne’ebe halo hodi hatene sidadaun nia asesu ba meiu komunikasaun social sira

“Atividade ne’e mos ita hala’o bazeia ba planu asaun annual 2021-2022 nian, iha diresaun nasional diseminasaun informasaun ne’ebe tutela ba ministeriu asuntu parlamentares komunikasaun social, hare iha kada meiu ida-ida hanesan jornal asesu ona 8.32% no la asesu 91.68%,  Radiu asesu 26,66% no la asesu 73,34%,  Televisaun asesu 65,48% no la asesu 34,52%, asesu ba lina internet 46,30% no la asesu 53,70%, total husi meius haat (4) ne’e  hamutuk nia asesu 37%, enquantu ne’ebe seidauk asesu 63%.” Nia akrezenta

Entretantu, Xefe Departamentu ne’e informa orsamentu ne’ebe utiliza peskija refere  kuaze 19.000.00 USD, peskija ne’e ho metodu intervista no fahe kestionariu ba respondente sira hodi anota sira nia resposta.

“Orsamnetu ne’ebe preve bazeia ba planu ne’e, gasta la too 19 mil, ne’e ita gasta ba viajem lokal deit so selu deit perdian ba funsionariu”. Nia dehan

Enkuantu, tuir planu tinan oin MAPCOMS sei kontinua peskija ne’ebe sei foka liu ba kauza tanba saida mak sidadaun la asesu ba informasaun

Jornaista : Marcela da Costa Lemos

Editor      : Ekipa editorial