Polémika ! ME Sesante Deklara La Rekruta Professor Tanba Atu Tama Ba Eleisaun
SAPNewsTL, Dili : Relasiona ho prosesu rekrutamentu ne’ebe Ministeriu Edukasaun oitavu governu konstituisional halo ba professor sira, Eis Ministro Edukasaun Armindo Maia deklara Rekrutamentu 3.000 Professores antes besik eleisaun iha Minintério Edukasaun, Juventude no Desportu ne’e lalos tanba la kondiz ba faktu sira
“Deklarasaun publika husi Presidente da Repúblika konaba rekrutamentu 3.000 professores Minintério Edukasaun Juventude no Desportu (MEJD) halo iha periodu atu tama ba eleisaun 2023 ne’e la loos tanba la kondiz ho prosesu tomak no faktus ne’ebe iha”.
“Professor sira nudar pilar sentral edukasaun nian, klarifikasaun konaba prosesu rekrutamentu de Professores, Wainhira ami simu mandatu nu’udar Ministri iha Junho 2020, problema boot tolu (3) konaba Professor sira ne’ebe mai husi governasaun anterior sira hotu-hotu mak ezije ami tenki rezolve lalais Problema sira ne mak”,Dehan Eis Ministro Edukasaun iha salaun CCF Comoro,Segunda (04/12/2024)
Ministru Edukasaun Sesante ne’e hatutan, Professor Voluntariu (hahu servisu voluntariu husi 2003 — 2020): Cerca de 5,588 ne’ebe ezije atu bele pasa ba Profesor Kontratadu.
Professores Contratados (hahu kontratasaun husi 2014): cerca de 4,902 profissionais ne’ebe ezije atu pasa ba Profesor Permanente. Professores Permanentes,Professores com progressio salarial estagnada (sira nian progresaun salariu paradu) tanba lei laiha para a atualiza nivel.
“Nune’e desde inisiu mandatu ministeriu anterior esforsu makaas atu buka solusaun ba problema sira ne’e hanesan tuir mai ne’e:
Halo verifikasaun ba Profesor Voluntario sira hodi inisia prosesu rekrutamentu tuir vagas no orsamentu ne’ebe disponivel, Prepara lei atu bele akomoda Professor Kontratado sira liu husi ingressu
Rejime Espesial Carreira Docente; Prepara Lei ba Profesor Permanente sira atu bele goza sira nia carreira docente ho subsidio ba sira nia bem-estar, iha alterasaun refere, alterasaun mos determina ho klaru eskola sei labele rekruta dosente, inklui sei labele envolve voluntariu iha futuru.
Aleinde alterasaun ba Estatutu Carreira Docente, Governu anterior mos halo alterasaun ba Dekretu lei importante 2 no produs Dekretu Lei foun ida.
“Alterasaun ba Decreto-Lei n° 7/2010 de 19 de Maio, Regime Juridico da Administração e Gestão do Sistema de Ensino Basico no DECRETO-LEI N.2 33/2011 de 3 de Agosto Regime Juridico da Administração e Gestão do Sistema de Ensino Secundario ne’ebé konsidera nu’udar lei foun ho Decreto Lei N.2 32/2023 de 31 de Maio Regime Juridico do Sistema Nacional do Ensino Basico”.
“Decreto-Lei N.2 33/2023 de 31 de Maio Regime Juridico do Sistema Nacional de Ensino Secundario Estabelese Decreto-Lei N.2 34/2023 de 31 de Maio Aprova o Regime Juridico do Sistema Nacional da Educação Pré-Escolar e dos Programas de Educação Infantil e Procede a Segunda Alteração ao Decreto-Lei n.2 3/2015, de 14 de janeiro.”
Entretantu, Kuadru Partidu FRETILIN ne’e mos fo agradese ba entidade hotu-hotu nia kolaborasaun, nia parte kompremetidu hodi kontinua kontribui ba kualidade edukasaun iha Timor-Leste
“Nu’udar kuadru Partido Fretilin, ami agradese ba parte hotu-hotu nia koperasaun no serbisu diak hamutuk durante ami nia mandatu, hahu husi profesor sira, dirijente no funsionáriu sira iha Ministeriu, parseiru sira no sosiedade tomak no partikularmente media sira. Ami kompromete atu kontribui nafatin ba desenvolvimento edukasaun ida ho kualidade, inklui kualidade profesor sira tuir ami nia kapasidade no posibilidade.”
Enkuantu, tuir informasaun ne’ebe SAPNews asesu antes ne’e (14/02/2023), nota katak MEJD rekruta professor voluntariu hamutuk 1.715, entre sira professor 121 husi pre-eskolar, 894 husi ensinu baziku, 39 husi ensinu sekundariu, 126 husi ensinu tekniku vokasional no 176 husi programa eskola ba uma.
Jornalista Ermelinda Soares & Dirsia Baptista