Média SAPNewsTL Realiza Kongresu Aprova Estatutu no Hili Lideransa Foun
Dili, 16/07/2022 : Média SAPNewsTL realiza primeira asembleia jeral debate no aprova regimento, estatutu no hili lideransa foun Média SAPNewsTL nian ba periodu 2022-2025, Konselleiru Pe. Mouzinho Pereira Lopes hateten sai jornalista presija koragem no pasiénsia atu haklaken lialos ba komunidade
“Ha’u hakarak hamutuk ho Média SAPNewsTL tanba hakarak sira hotu-hotu haklaken ka anunsia iha modu korrektu, ne’e so ema matenek, ema ne’ebe hakarak buka lialos, ema ne’ebe hakarak iha progressu mundial, sira iha kna’ar ida ne’e kna’ar anunsia ha’u mos iha kna’ar ida ne’e, ha’u anunsia maromak ninia futar liafuan imi anunsia sosiedade ninia lian sira, maibe buat rua ne’e iha mundu ida de’it, nune’e maka ha’u hakarak hamutuk no akompanha jovens sira iha biban ida ne’e”. dehan Konselleiru SAPNewsTL Pe.Mouzinho Pereira Lopes hafoin partisipa iha debate no aprova estatuto
Nia hatutan Jornalista hola parte iha edukasaun ba povu, kultural, ekonomia, sosial no politika, jornalista sira presiza Lee barak, hakerek barak, no husik hela istoria tanba ne’e nia hakarak akompanha Média SAPNewsTL
“Desde ha’u nia vokasaun sai Padre, ha’u servisu iha formasaun, iha edukasaun sivika, edukasaun sosiedade, iha mos eskola, ha’u hatene katak jornalismu, jornalista hirak ne’e hola parte iha edukasaun povu , kultural, polítika, i ekonomia nian ne’ebe ha’u hakarak akompanha, apoio, no fo suporta, tuir ha’u nia matenek, kapasidade no esperiénsia sira durante tinan barak iha Rttl,ep”. Dehan Pe. Mouzinho ba Jornalista sira iha Sede Suku motael Dili Sabado,16/07/2022.
Nia hatutan, Hanesan jornalista ida tenke iha korajen, hakarak sai jornalista di’ak presiza iha korajen atu hala’o knar ida ne’e tanba dezafiu makaas hanesan iha formasaun sosiedade, formasaun opiniaun no iha edukasaun
“Jornalista nia papel importante tebes, se lae sosiedade la’o sala dalan, se mak sala, ida mak anunsiadores ne’e, Ne’ebé buat ida korajen ne’e presiza tebe-tebes iha ita nia knaar, korajen hala’o lialos, korajen hato’o prinsipiu sira, korajen fo sai katak imi ema umanidade no maromak nia oan se imi iha buat sira ne’e hotu, ha’u la tauk, se imi loron ida imi matenek no ha’u la tauk, se loron ida bele forma ita nia sosiedade”. Nia hakotu
Entretantu, liu husi apresentasaun, deskute, debate ne’ebe klean, dinámiku no interativu konsege aprova regimentu no estatuto husi total partisipante hamutuk tolunulu resin-lima, enkuantu liu husi apresentasaun kadidatura, kampanha no eleisaun ne’ebe livre, sekretu, no demokrátiku konsege elege Clementino Bragança Machado sai presidente konsellu geral, Sergio Alves da Costa eleitu sai diretor ezekutivu, Lidia Amaral sai Xefe Konsellu Editorial no Aquillina Aky Moy Casimiro sai xefe konsellu fiskal.
Enkuantu tuir planu estrutura foun eleitu sei esforsu hodi registu iha Servisu Registu no Verifikasaun Emprezarial (SERVE) entre 100 dias nia laran.
Reportajen :Ekipa kobertura.
Editor. :Conzita mota