Ezekusaun OJE 2022 Atinji 24,8%, MF Rui : Dívidas TT 5 Millões Tenki Selu
DILI- Hafoin Ministru Finansas (MF) Rui Augusto Gomes apresenta ba Primerio Ministro (PM) Taur Matan Ruak Kona ba Dokumentos ne’ebe atu submete Reuniaun extraordinario, Ministru Rui Gomes hateten la gosta dívidas, dividas Timor Telekom hamutuk 5 millaun, Guvernu tenki selu
Kestaun ne’e hato’o husi Ministru Finansas Rui Augusto Gomes ba jornalista sira iha Palásiu Governu hafoin audiénsia ho Primeiru Ministru iha segunda ne’e, (18/07/2022)
“Saida mak Ministru das Finansas halo, halo delegasaun de kompeténsias La’os halo nomeasaun, la hanesan delegasaun de kompeténsia ne’e iha koridor lei, Ha’u la nomeia Diretor, ha’u delega kompetensia Ministru nian ba ema ne’ebe atu halo toma konta ba unidade sira nian”. Dehan Ministru Rui Gomes
Ministru Finansas saran lia hirak ne’e, relasiona ho Komisaun Funsaun Públika (KFP) ne’ebe konsidera despaixu Ministériu Finansa nian kona ba funsionáriu kargu xefia nain haat ne’ebe importante, KFP konsidera lalos liu husi funsionáriu públiku ne’e ilegal
Ministru Finansas ne’e responde delegasaun de kompeténsia ne’e lei fo dalan
Entretantu, relasiona ho dívidas Kompanha Timor Telekom nian ne’ebe to’o ona 5 Millaun, Governante ne’e hateten Dividas hirak ne’e, guvernu sei haree tanba mai husi linhas ministeriais oioin
“Ami mos sei haree dívidas sira ne’e mai husi linhas ministeriais oioin, Sira tenki resolve, ita tenta atu resolve dívidas, ha’u rasik la gosta dívidas, ita tenki selu”. Afirma nia
Enkuantu kona ba utilizasaun patriomóniu estadu fora husi servisu, Ministru ne’e afirma kuandu ekipa kaer, sira sei hetan sansaun
“Equipa sira ativu hela iha terenu, maibe kuandu Sira kaer, iha sansaun, sira tenki aplika lei. Agora kontrola hela sira no aplika hela lei, Ita halo chek point hela ba karreta no motor ne’ebe governu nian iha tempu sira la’o fora de servisu, Sira hetan sensaun”. Nia hakotu
Enkuantu, tuir transparénsia portal do orsamentu, ezekusaun Orsamentu geral do estado (OGE) tinan 2022 foin atinji 24,8%
Reporter : Antonio Tilman & Aquilina D.C. Magalhães