Menuz Guarda Floresta ! Komunidade Kontinua Kasa Ilegal, Kakatua 3.000 Tun Ba 500
Imajem : Parke Nasionál Nino Konis Santana Lautém. Foto : Sosial Média
SAPNewsTL, Lautém — Xefe Suku Bauro Florindo Miranda preokupa menuz guarda floresta, komunidade sira kontinua kasa ilegal liliu kakatua rihun tolun resin tun ona ba atus lima iha Parke Nasionál Nino Konis Santana (NKS), Suku Bauro, Postu Administrativu Lautem, Municipiu Lautem
Xefe Suku Bauro Florindo Miranda informa animal sira ne’ebe eziste iha parke nasional mak rusa fuik, meda, lekirauk, loriku, kakatua, idenfika katutua uluk rihun tolu resin mak iha ne’e maibe agora hela deit atus lima resin mak agora iha parke nasional.
Tan ne’e, kakutua komunidade presiza prezerva hamutuk kakatua atus liman (500) ne’ebe sei hela atu la bele semo do’ok husi parke nasional nino konis santana.
“Kasa ilegal sira iha parke nasional nafatin eziste tanba sensibilizasaun no sosializasaun husi guarda floresta seidauk perkore hotu, komunidade sira seidauk hatene didiak konaba Parke Nasional, tanba ne’e mak sira nafatin halo sosializasaun, maske guarda floresta minimu teb-tebes”. Informa Xefe Suku Bauro Florindo Miranda iha Lautém,20/11/2024.
Imajem : Xefe Suku Bauro Florindo Miranda
Xefi Suku ne’e husu ba Governu liu-husi Sekretáriu Estadu Floresta a Fernandino Vieira atu bele tau atensaun ba area protejida refere liu husi hasa’e númeru rekrutamentu ba pessoal Guarda Floresta, nune’e sira bele halo kontrolu máximu ba area protezida refere.
“Ha’u husu atu rekruta tan guarda floresta sira, tanba parke nasional NKS luan tebes, ho guarda floreta sira iha, la to’o no prense iha fatin balun deit, nune’e ita nia komunidade sira nafatin kasa ilegal, tamba ita nia area parke nasional tuir ona kritéria maibé ai-horis ho animal sira iha parke naisional seidauk prezerva didiak, atu bele tama iha parke internasional no nasional”. Nia husu
Ligadu ho rekrutamentu ba guarda floresta hodi destaka iha Parke Nasionál Nino Konis Santana, SAPNews seidauk halo komfirmasaun ho parte Sekretária Estadu Floresta kona ba asuntu ne’e.
Entretantu, notisia ne’e média SAPNews rekolla, tamba Sekretáriu Estadu Comunicação Social (SECOMS) serbisu hamutuk ho Timor-Leste Press Union (TLPU) hodi hala’o atividade média Tour ba Munisípiu Lautem.
Jornalista : Dircia Baptista Belo
