MF Aprensenta Prosesu Debate Osamentu Retifikativu Ba Membru Guvernu
SAPNewsTL, DILI- Hafoin Hala’o Reuniaun Entre Membru Guvernu Dasia iha Salaun Ministériu Finansas, Vise Ministru Finansas Herder Lopes hateten, ohin Ministériu Finansas atu apresenta sobre preparasaun orsamentu ratifikativu, tanba nonu governu tenke prepara nia orsamentu hodi apresenta ba Parlamentu Nasional
“Ministériu Finansa apresenta prosessu orsamentu ratifikativu, ne’ebe mak teknikamente, tenkinu sira prepara hela. Apresenta mos sobre prosessu preparasaun orsamentu geral do estadu ba 2024 nian, tanba tempu mos besik ona ita presija submete orsamentu geral do estadu 2024 nian ba parlamentu nasional iha tempu badak”.
“Nune’e ohin Ministériu Finansas apresenta preparasaun ba membru governu sira para sira iha konhesimentu ba prosessu ne’ebe mak la’o ona”. Dehan Vise Ministeiru Finansas Herder Lopes, ba jornalista sira iha Ministeiru Finansas, Sexta-feira(14/07/2023)
Vise ministru ne’e haktuir katak alende apresenta orsamentu ratifikativu, sira mos apresenta kona-ba jestaun finansas públika iha rai laran nune’e membru governu foun sira bele iha konhesimentu ba gestaun finansas nian
“Apresenta mos situasaun aktual kona-ba jestaun finansas publika iha ita nia rai laran, hodi nune’e membru governu foun sira,bele iha konhesimentu sobre gestaun finansas públika husi nia lei, nune’e ita tama ba preparasaun orsamentu ba nia ejekusaun bele fasilita ita hotu hodi aselera prosessu ejekusaun ho diak”Tenik nia
Vise ministru finansas ne’e informa katak.Ministru finansas iha esperansa katak liu husi sesaun de trabalhu ne’e bele hetan diretiva,no mos hanoin balun husi membru governu sira para bele ajuda ministru finansas hodi aselera lalais prosessu preparasaun orsamentu ratifikativu
Nia saleinta katak orsamentu ratifikativu mak 2.1 billoens ne’ebe mak sei resistribui ba medidadas foun ba preoridade governu foun nian
“Exersisu ne’ebe mak ita halo ba orsamentu ratifikativu mak, ita ba ho orsamentu original agora ho 2.1 billoens, ne’e ita tuir exersisu agora ita identifika espasu fiskal. Ita buka osan iha tetu 2.1 billoens nia laran depois ita redistribui fali ba medidas foun ba prioridade governu foun ne’e nian. Ne’ebe mak implementa iha 2023 no mos aloka ba estrutura foun ne’ebe mak dadaun hamosu husi nono governu nian”Vise ministru hateten
Vise ministru haktuir “Primeiru ezekusaun ba orsamentu ida agora ate konforme dadus ne’ebe ita hetan husi sistema ate 11 de julhu foin 27%. Execusaun sei kiik tebes mak ita aumenta osan, tenke sukat kapasidade tanba aumenta osan mak la executa mos hanesan deit. Tanba ne’e mak ami identifika espasu fiskal ne’e realoka fali ba medidas foun ba organika governu foun mak kuandu osan ne’e sei liu dala ruma rezulta ba hamenus ba tetu orasemntu ba 2.1 bele tun, maibe ida ne’e konforme exersisu ne’ebe mak ita halo”
Enquantu, Vise Ministru Finansa ne’e salenta katak Prioridade nono governu nian ne’e foti husi buat ne’ebe mak Primeiru Ministru hato’o husi nia diskursu iha loron toda de posse
“Iha governu foun ne’e. Iha ne’eba iha medidas balun ne’ebe temi katak 120 dias ne’e presiija resolve hanesan stok ai-moruk, passaporte, foin dadaun iha dezastre naturais ne’e ita presija halo intervensaun”. Nia realsa
Programa Nonu Guvernu aprova ona husi Konselhu Ministru no submete ona ba Parlamentu Nasionàl, Nune’e Parlamentu Nasionàl sei halo debate no Aprovasaun Hafoin Guvernu sei Ezekuta
Jornalista: Celeste Sarmento & Marcela Mery da Costa