Estudante Finalista Enjenharia Sivil UNTL Aprensenta Poster Monografia
SAPNewsTL, Dili : Universidade Nasionàl Timor Lorosa’e (UNTL) nia Estudante Finalista Departamentu Engenharia Sivil, Fakuldade Engenharia Ciensia no Teknolojia Hamutuk haatnulu (40) Aprensenta Poster Monografia ba Estudante Ativu no Dosente sira iha Kampus Faculdade Engenharia Hera
Iha Intervista, Diretor Departementu Engenaria Sivil Aleixo Sarmento haktuir Objetivu fundamentu husi Aprensentasaun Poster Monografia ida ne’e nu’udar pasu Importante ne’ebé estudante Finalista sira tenki halo hodi Aprensenta Sira Nia rezultadu peskija ba Estudante no Dosente Sira hotu iha Fakuldade ne’e
“Ha’u Hanoin Objetivu husi Aprensentasaun Poster Monografia ne’e hanesan pasu Importante ida ba estudante Finalista sira hodi Aprensenta ba estudante sira no Dosente sira em jeral molok sira tama ba Ezame Monografia, Nune’e sira bele Aprensenta sira nia rezultadu peskija ne’e ba estudante sira hotu iha Fakuldade no Universidade Nasionàl Timor Lorosa’e”. Tenik Diretor Departementu Engenaria Sivil Aleixo Sarmento ba SAP News TL iha Kampus Faculdade Engenharia Hera, 13/07/2023
Diretor Departementu ne’e akresenta, Kada tinan estudante Departamentu Engenharia Sivil sempre halo exposição ne’e hodi fanun no motiva estudante foun Sira, Nune’e bele aprende no desenvolve liu tan Sira nia Kunhesimentu sientífika hanesan futuru Engenheiro no Engenheira ne’ebe profissional, Exselente no kualifikadu
Eng. Aleixo Sarmento mos husu ba estudante Finalista sira atu kontinua desenvolve didiak sira nia Kunhesimentu sientífika no prátika, Nune’e bele lori Desenvolvimentu ne’ebe Kualidade no hadia Dezenvolvimentu Nasaun nian tuir Siénsia no Teknolojia
“Ha’u Nia mensagem ba Estudante Finalista sira hodi aprende no desenvolve liu tan sira nia Kapasidade sientífika no prátika, Nune’e bele lori Dezenvolvimentu ne’ebe Kualidade ba Nasaun no hadia Dezenvolvimentu Nasaun nian ba Futuru”. Nia husu
Iha Fatin hanesan, Estudante Finalista Francisco Nunes Konsidera Aprensentasaun Poster Monografia ne’e Importante tebes ba Sira, tanba bele iha espasu no oportunidade hodi bele transmite rezultadu peskija ne’e ba estudante no Dosente sira ne’ebe iha interesse hodi hatene kona ba estudu Kazu sira ne’ebe estudante sira foti
“Ha’u sente Kontente tebes bele finaliza Ha’u nia Projetu Final ida ne’e, mai Ha’u Konsidera Aprensentasaun Poster Monografia ne’e Importante tebes ba ami hanesan estudante Finalista sira hodi uza Oportunidade no espasu ne’e hodi Aprensenta rezultadu peskija ne’e ba ema hotu ne’ebé iha interesse atu aprende estudu kazu iha Munisípiu Sira”. Dehan Estudante Finalista Francisco Nunes
Estudante ne’e mos husu ba estudante sira hotu atu aprende no Mantein luta ba konkista futuru katak esforsu nafatin iha faze aprende no estudu hodi bele finaliza estudu ho susesu tanba susesu La’os Fasil, susesu tenki esforsu no estuda Badinas
“Ha’u husu ba maluk estudante Sira hotu hodi Badinas Estuda no Aprende hodi Konkista Ita Nia Susesu tanba susesu la fasil, susesu tenki esforsu no estuda makaas, liu-liu tahan an hodi aguenta Prosesu naruk ne’ebe nakonu ho dejafiu no problema oioin”. Nia hakotu
Enkuantu, Estudante Finalista Departamentu Engenharia Sivil ne’ebe Aprensenta Poster Monografia Hamutuk 40 husu kontizente 2017, 2018 no 2019, Durante Departementu ne’e Eziste Konsege Produz ona Rekursu Humanu ka Graduadu hamutuk 200 resin, entre Sira maioria servisu ona iha Kompaña Internasional, Nasionàl no Instituisaun Guvernu Sira
Jornalista: Lidia Amaral