MI Sei Kria Regra, Fasilita Komunidade Tama & Sai Fronteira Ho Dignu
SAPNewsTL, Dili: Ministru Interior (MI) Sei servisu hamutuk ho Unidade Polísia Fronteira (UPF) hodi kontrola fronteira, Nune’e ema la bele tama ho ilegal entre nasaun rua hanesan Timor Leste no Indonesia, Maske Nune’e, maibe sei kria mos kondisaun diak ba komunidade sira
“Ita Sei kria Politika hodi reforsa kapasidade kontrolu fronteira hamutuk ho Unidade Polísia Fronteira, Nune’e bele halo kontrolu ne’ebe mais regurozu tebes ba ita nia fronteira”.
“Ita mos hare kona-ba kultura entre nasaun rua hanesan nasaun Indonezia no Timor Leste tanba hakarak iha fronteira ne’ebe mak ho paz no iha benefisiu entre nasaun rua”. Dehan Ministro Interior Francisco Da Costa Guterres ba jornalista sira iha Palasiu do Governu, kuarta feira, 12/07/2023
Ministru ne’e akresenta, Nasaun Rua Ne’e sei Desenvolve mekanismu ne’ebe Diak Liu hodi Komunidade Rai Rua Nee bele Hetan benefísiu no halo movimentasaun la ho dalan ilegal
“Iha mos lasus kulturais entre nasaun rua refere ita tenki dezenvolve mecanismu hodi bele oinsa sira iha kontaktus ne’ebe mak bele benefisia entre komunidade husi fronteira rua ne’e”.
“Tanba entre nasaun rua ne’e iha familia ne’ebe mak hela iha fronteira rua no uma lisan sira, ita tenki iha dezenvolvimentu diak entre fronteira rua nee sei kria mos mekanismu simples hodi komunidade sira bele la’o husi fronteira ba fronteira la ho ilegal tan,”.
Ministru ne’e argumenta presiza halo revizaun ba Estatutu, Nune’e bele hadia ninia prosedimentu sira ba futuru ho Diak
Entretantu, Ministru Interior sei kria regras ne’ebe vigor, Nune’e bele fasilita komunidade sira halo movimentu ho dignu hodi hamenus numeru ema tama ilegal entre nasaun Indonezia no Timor Leste
Reportazen: Conzita Mota & Genoveva Lopes Sarmento