MOP Sei Kontinua Normaliza Estrada Ne’ebe Afeta Husi Dezastre

SAPNewsTL, Dili : Relasiona ho Udan Boot ne’ebe akontese hodi Rezulta Estrada Balun iha Munisípiu sai Aat, Ministru Obras Públikas (MOP) Samuel Marçal haktuir hadia ona dalan alternativa ba estrada husi Munisipiu Ainaru, Manufahi mai Dili no dadauk ne’e komunidade husi Munisipiu rua asesu ona ba estrada refere

Bainhira iha ona orsamentu ratifikasaun mak sei hadia dalan sai diak hodi la bele difikulta ba komunidade sira asesu ba estrada.

“Relasiona ho udan ne’ebe boot estraga estrada husi Munisipiu Ainaru no Manufahi Komunidade sira hahu uza ona estrada alternativu ho urgente, Nune’e komunidade sira bele asesu ba estrada refere”.

“Ekipamentus husi IGE nian limitadu tebes ho ida ne’e mak Fatin balun Seidauk hadia maibe husi fatin ida diak ona mak sei mobiliza fali ba fatin sira seluk no kria ona ekipa ida hodi ba halo verifikasaun iha terenu.”Dehan Ministru Obras Públikas Samuel Marcal ba jornalista sira iha Palasiu do Governu kuarta feira, 12/07/2023

Samuel Marçal hatuta, “Orsamentu retefikativu sei prevê uituan, aleinde ne’e mos prosesu estrada ne’ebe halo husi mandatu oitavu governu nian, haree tuir prosesu ne’e normal galae, no tuir regras ne’ebe iha galae. Maibe dadauk ne’e sei okupadu hela ho programa governu nian”.

Entertantu, dadauk ne’e nonu governu sei preokupa hela ba planu ne’ebe mak sei tau iha tinan lima mai ho mos orsamentu retifikativu no OJE Tinan 2024

Enkuantu, Estrada ne’ebe afeta ba Dezastre Natural ne’e mosu iha Munisípiu Viqueque, Lautém, Manufahi, Ainaro, Bobonaro no Covalima, maske Nune’e Maibé, Guvernu liu husi IGE halo Ona normalizasaun ba Estrada Balun no balun seluk seidauk

Iha Parte Seluk, Ohin Nonu Guvernu Konstitusional ne’ebe Lideradu Kayrala Xanana Gusmão ne’e aprova ona Programa ba 120 dias no submete ona ba Parlamentu Nasionàl hodi halo diskuzaun no aprova iha tempu badak

Reportazen : Conzita Mota & Genoveva Lopes Sarmento