Motor Ida Soke Karreta Iha Área Kampus Faculdade Engenharia UNTL Hera
SAPNewsTL, Dili : Sidadaun Ida Ho Motor Husi Hera atu ba Dili, Soke Karreta ida iha Área Kampus Faculdade Engenharia Ciensia no Teknolojia, Universidade Nasionàl Timor Lorosa’e (FECT-UNTL) Maiz ou Menuz Tuku 2:30 PM tanba Halai ho velosidade aas
Tuir Informasaun Ne’ebe SAP News TL Asesu Liu husi Estudante FECT UNTL Hera Alan Belo Haktuir katak “Motorista refere halai husi diresaun Hera Ba Dili, Motorista Halai ho velosidade aas no la kontrola entaun ikus Mai soke Karreta ida ne’ebé Rezulta Nia monu ba Rai.
“Iha momentu ne’ebe nia monu la Rezulta nia hetan kanek Grave Maibé Motorista Nia Oin sai kanek no Ran sai tanba kapasete rahun, Grasa a Deus kapasete belê salva Nia Ulun hodi la Rezulta Kanek grave”. Tenik Estudante FECT-UNTL Alan Belo ba SAP News TL iha Hera, 05/06/2023
Hafoin asidente ne’e akontese Ambulánsia to’o iha fatin hodi Transporta Pasiente ne’e ba hospital hodi hetan tratamentu emergência tanba sofre Kanek no monu iha estrada klaran
Portantu, Estudante FECT-UNTL ne’e mos husu ba ema hotu atu lori motor ho kuidadu, labele Halai ho velosidade ne’ebe Aas iha estrada ne’ebé sempre hetan movimentasaun husi Transporte ne’ebé barak
Jornalista: Marcela Mery da Costa