CNRT Deklara Prontu Koligasaun Ho PD, Kalbuadi : Xanana Mak Primeiru Ministru
SAPNewsTL, Dili : Hafoin lori karta husi Presidente Partidu Congresso Nacionál Reconstrução de Timor (CNRT) ba Partidu Demoktiku (PD) ohin loraik, Sekretáriu Jeral Partidu CNRT Francisco Kalbuadi Lay afirma CNRT prontu ona atu la’o hamutuk ho PD tanba Partidu rua ne’e mak aumenta kadeira iha eleisaun, CNRT mak PD no PD mak CNRT
“Ohin loraik ami mai reafirma katak Partidu CNRT prontu koligasaun hamutuk ho Partidu Demokrátiku, karta ofisial ami entrega ona ne’ebe asina ofisial husi Presidente CNRT Kayrala Xanana Gusmão no Sekretáriu Jeral, ami sei la’o hamutuk hodi servi povu no nasaun”, Tenik Sekretáriu Jeral Partidu CNRT Francisco Kalbuadi Lay liu husi Komunikadu Iha Sede Nasional PD, Dili, 05/06/2023
Francisco Kabuadi hatutan, CNRT ho PD ne’e ida deit katak Partidu CNRT mak PD no PD mak CNRT, Presidente CNRT mak sei ba Primeiru Ministru
“Ami formaliza tiha ona ami nia koligasaun, Desde 2007 Partidu rua la’o hamutuk, Partidu CNRT mak PD, PD mak CNRT, Primeiru Ministru mak Maun Boot Kayrala Xanana Gusmão”. Nia dehan
Iha fatin hanesan, Sekretariu Jeral Partidu Demokrátiku Antonio da Conceição agradese ba Partidu CNRT tanba hatan ona ba karta ne’ebe PD hato’o ba CNRT
“Partidu rua hakarak hotu ba mudansa, Ha’u hakarak hato’o agradese ba Partidu CNRT tanba hatan ona ba ami nia karta dejeju no prontidaun ba Partidu CNRT, re-enkontru ba tinan 2007, hodi la’o hamutuk ba 2023”. Hatete Sekretariu Jeral Partidu Demokrátiku António da Conceição
Antes ne’e, Partidu Demokrátiku hato’o ona karta pedidu ba Partidu CNRT iha Loron 30 Maiu 2023, Ohin loron 05 Junhu 2023, Lideransa Partidu CNRT ofisialmente komfirma ona sira nia koligasaun hodi ukun hamutuk iha nonu guvernu konstitusional
Enkuantu, Estrutura Partidu rua agradese ba povu Timor Leste ne’ebe fo ona konfiansa ba Partidu rua hodi la’o hamutuk hodi servi povu no nasaun, portantu Rezultadu eleisaun parlamentar Comição Nacionál Eleição (CNE) remete on aba Tribunal de Rekursu hodi halo validasaun hodi prepara ba formasaun guvernu dasia iha fulan ida ne’e
Jornalista : Ferderita Miranda