MPO Apresenta Progressu Planu Urbanizasaun Ba PM Taur

SAPNewsTL, DILI : Enkrontru Regular entre Ministru Planu Ordenamentu(MPO), Jose Maria dos Reis ho Primeiru Ministru(PM), Taur Matan Ruak, objetivu husi sorumutu ne’e hodi relata servisu MPO nia kona-ba servisu planu urbana no negosiasaun kona-ba fibra otika, no dokumentu 2021 hanesan relatoriu

“Ohin ha’u relata ba primeiru ministru kona-ba servisu planu urbanu ne’ebe mak hala’o ona,negosiasaun ne’ebe mak ami hala’o kona-ba fibra otika,equipa tekniku ne’ebe mak Timor-Leste ninian hamutuk ho Fokus iha Australia nian”, dehan Ministru Planu Ordenamentu,Jose Maria dos Reis, ba jornalista sira iha palasiu governu,segunda-feira(29/01/2023)

Nia salienta, sira nia sorumutu ne’e diskuti mos kona-ba fibra otika nian iha gestaun, operasaun, manutensaun hodi produs fiu kabu no prossesu sira ne’e agora iha hela CNA

“Ami diskuti liu kona-ba gestaun, operasionalizasaun,manutensaun, fibra otika tanba ita hatene fibra otika nia progressu, no estudu de rota atu instala fiu kabu, nia prossesu tuir mai sei produs fiu kabu husi marinu rasik, Sei halo intalasaun ba estasaun aterajen marinu nian, prosessu ne’e lao hela iha CNA no ha’u hanoin katak la keur la’o ona, entaun ita tenke hanoin ona 25 anos banhira instala se mak atu utiliza, oinsa mak halo jestaun, manutensaun i koalia kona-ba prinsipiu komersiais ne’ebe mak ita atu hala’o”Nia hateten

Governate ne’e akresenta katak husi enkontru ohin nia haktuir mos relatoriu dokumentu 2021 ne’ebe iha hela prosessu konsultasaun durante loron 60

“Trabalhu planu nasional ordenamentu Timor-Leste ne’ebe ohin hau haruka mai PM, dokumentu 2021 nia hanesan relatoriu ba karakterizasaun,modelu de ordenamentu, no mos planu de asaun ne’ebe mak haruka ona ba ne’eba, iha hela prossesu de konsultasaun, durante 60 dias, tanba ejije husi regime, juridiku ba instrumentu de planu ne’ebe mak nia regra ne’e ejije para audiensia, ba oin sei iha audensia publika ativu no pasivu signifika ami sei hatudu site liu husi jornada republika, atu se mak iha opiniaun atu nune’e bele hadia esbosu”.Tenik nia

Jornalista : Marcela Mery da Costa