Jeneral Falur Hasoru Major Cristhoper, EUA Kontinua Hametin Kooperasaun Ho TL
Imajen Xefe Estadu Maior F-FDTL, Tenente Jeneral Falur Rate Laek halo sorumutu ho Major Jeneral Cristhoper P. Callahan asina akordu koperasaun entre TL no EUA, iha kuartel jereral Fatuhada, Dili tersa, 31/01/2013
SAPNewsTL, Dili: Xefe Estadu Maior F-FDTL, Tenente Jeneral Falur Rate Laek halo sorumutu ho Major Jeneral Cristhoper P. Callahan katak Estadu Unidu America sei kontinua hametin kooperasaun iha area defeza ho nasaun Timor-Leste.
“Ita nia kooperasaun, ita halo parseiru dezenvolvimentu ho EUA ne’e dezde 2001, uluk ita ho sira halo programa ida hanaran DS2 sira mak investe, Austrália mak halo investimentu bá treinu sira avansadu, treinu baziku, treinu fíziku mak Korea, EUA mak apoia lojistika ba ita nia F-FDTL”, dehan Tenente Jeneral Domingos Raul “Falur Rate Laek”, hafoin hasoru ho Majór Jenerál Cristhoper P.Callahan iha kuartel jereral Fatuhada, Dili tersa, 31/01/2013
Domingos hatutan, akordu ne’e kontinua deit iha 2019 halo kooperasaun barak ona ho ezersísiu lubuk ida, ezersisiu naran KARAT, hari’i hamutuk, pasifik anjel, ikus liu iha 2021 mak sira extende tan ba komponente terrestre, ne’ebe mak bolu ezersisiu dalan ba dame, ezersísiu sira ne’e sei aumenta tan
Alende apoia lojístika, EUA fasilita mos formasaun profisional ba dentista timoroan sira, oferese mos makina ba fokit nehan ba komandu F-FDTL, liu husi departamentu saúde militar, iha 2022, EUA inisia tan sira investimentu ba Timoroan sira iha forsa aero nian, sorumutu entre jeneral ho maijor ne’e, nu’udar mos parte ida hodi halo avaliasaun ida ba projetu sira hotu mak antes ne’e hala’o tiha ona, saida mak konsege ona, saida mak seidauk no saida mak F-FDTL sei kontinua ba oin.
Tenente General Falur Rate Laek
Tenente informa, progresu no benefisiu sira hosi projetu sira mak antes ne’e hala’o ona, mak kapasitasaun rekursu umanu ba forsa Timoroan sira, daudaun ne’e timoroan hamutuk nain-72 mak partisipa hela formasaun iha rai-liur, kompostu hosi membru F-FDTL sira, ajente sira hosi ministériu defeza, ministériu agrikultura no seluk tan, Timoroan maioria hetan ona formasaun ne’ebé mak di’ak, no agora balun mai serbí ona instituisaun, ezersísiu sira ne’e, komunidade mak sai benefisiáriu bá projetu sira ne’e, sira halo ona konstrusaun bá eskola 40 resin, depois klinika sira hamutuk 10 no halo mós asisténsia saúde direta bá populasaun sira iha Covalima, Baucau, Oe-Cusse, dezenvolvimentu forsa aoro nian, durante ne’e, estadu ho governu la dezenvolve, tanba membru F-FDTL barak mak bá partisipa ona formasaun kona-bá aviaun nian iha rai liur, maibe fila mai Timor abandona.
Falur akresenta, dezenvolvimentu forsa aero nian, agora sira prontu ona, iha fulan-marsu ka maiu, aviaun ne’e mai iha tempu besik, roo ahi sei transporta ekipamentu sira ne’ebé mak atu apoia hosi Forsa EUA ne’e hosi Nova Yorke mai Timor, inklui tula ona mós ho Aviaun ne’ebé estadu unidus amérika ne’e, ho marka CESSNA 206, tuir orariu, roo ahi ne’e sei viajen iha tasi-laran, durante loron 60 hafoin to’o iha TL, rekursu umanu atu opera aviaun ne’e sufisiente hela tanba foin lalais iha formadu lubuk ida mak konklui ona sira nia kursu kona-ba mekaniku, navegador, pilotu, Enjiñeria Aerodromo.
Jornalista : Aquelina Mangalhaes