MSSI Distribui Sertifikadu Ba Ema Ho Defisiénsia Husi Linhas Ministériais

SAPNewsTL, Dili : Vise Ministériu Solidariedade Sosial no Inkluzaun hala’o enkontru trimestral daruak (II) ba Grupo trabalhu tekniku inter-ministeriais Planu Asaun Nasionál Ema ho Defisiénsia(PAN-EhD) 2021-2030, Iha Diskursu Diretor Jeral MSSI Florenço Pina Dias Gonzaga hateten MSSI nu’udar implementador ba planu ida ne’e, prosessu hotu ne’ebe hala’o hasoru difikuldade lubuk ida.

“Informasaun hotu-hotu ne’ebe ligadu ho linhas ministeriais sira ne’ebe ita deside iha planu nia laran, seidauk rekolla ho maximu, ami rekolla tiha ona relasiona ho sira nia serbisu ka susesu ne’ebe atinji ona, oinsa ita bele implementa PAN ba ema ho difisiensia ne’e ho diak”. Nia Tenik

Entretantu,  nia sente satisfeitu ho advokasia ne’ebe halo durante ne’e tanba konsege atinje

“Ita hotu kontenti tanba ita nia advokasia iha tinan naruk durante ne’e konsege ita atinji ona foin dadauk liu ba, bainhira parlamentu ratifika konvensaun internasional direitu ba ema ho difisiénsia, maibe agora todan tebes ba ita hotu katak saida mak ita instituisaun hotu atu halo hahu agora, tinan lima(5) mai parte relevante sira sei ba aprejenta iha ONU”. Dehan nia

Iha fatin hanesan, Vise Ministra MSSI Signi Sandrawati Verdial distribui mos sertifikadu apresiasaun ba ema ho difisiente  husi linha ministeriu sira hanesan MEJD, MOP, MS, MSSI no sira seluk

“MSSI hanesan linha minstériu ida ne’ebe kordena asuntu ema ho defisiensia, iha fulan Abril liu ba, Parlamentu ratifika ona konvensaun ema ho difisiénsia, agora serbisu tekniku hahu tuir programa. atu melhoria liu tan iha parte sira ne’ebe mak seidauk implementa tanba ohin hetan partisipa hotu husi lina embaixador no mos lina ministeriais sira kompletu”. Nia Esklarese

Nia  sublinha Planu asaun anual ne’e planu tinan sanulu(10)nian husi 2021-2030 tau ba sira nia aktividade ida-idak hodi halo planu no aloka orsamentu hodi realiza programa ba ema ho difisiensia.

“Konvensaun internasional kada tinan lima(5), ita tenki ba relata iha Jeneva kona-ba direitu ba labarik no mos direitu humanu. MSSI nia serbisu mak haree momentu-momentu ne’ebe importante kuandu ita deskuti ona planu tinan-tinan, para asegura katak osarmentu aloka ka lae, atividade realiza ka lae, lina ministériu ida-idak atinji ka lae”. Nia Dehan

Entretantu, ema ho defisiensia nain rua(2) sai pontu fokal iha gabinete Ministériu Obras Públikas iha ne’ebe ho objetivu atu bele kordena no lobi politika ne’ebe guvernu halo.

Jornalista : Marcela Mequita lemos & Maria de Jesus

Editor : Luis Pailofo