MSSI Kontrata Ofisial  Rejistu “Bolsa Da Mãe”  Ba Munisipiu 4

SAPNewsTL, Dili: Ministeriu Solidariedade Sosial No Inkluzaun (MSSI) fo kontratu ba servisu ofisial rejistu bolsa da mãe ba jerasaun foun iha munisipiu haat ne’ebe liu ona teste intervista.

“Ohin ita kontrata ofisial rejistu ba bolsa da mãe,  tinan ida dala ida  no sira sei extende tan tanba sira kontratadu,  rejistu bolsa da mae jerasaun foun agora, tuir dekretu Lei ne’ebe iha extende ba munisipiu haat mak Munisipiu Covalima, Viqueque,  Manatuto  no Liquisa “dehan Diretor Jeral MSSIFlorencio Dias Gongava  iha  edifisiu MSSI Caikoli, Dili  kinta (16/02/2023).

Diretor hatutan,  Bolsa da mãe ne’e atu halakon malnutrisaun no atu reforsa mos ekonomia familia nian programa bolsa da Mae jerasaun  fasilita sira kada fulan, ba inan isin rua sira kada fulan simu 15 USD,  labarik sira moris hahu husi ne’e  to’o tinan ne’en hetan 20 USD no labarik ne’ebe moris mai parte saude identifika difisiente kada fulan nia bele hetan 30 USD kada fulan to’o  tinan 6.

Iha Fatin hanesan Diretor Jeral Administrasaun Finansas Rui Manuel Gago Expostu, agradese ba MSSI halo ona kontratu ba sira ne’ebe liu ona intervista hein katak sira sei servisu tuir fasilidade saude sira iha munisipiu

“Ita agradese ba MSSI halo kontratu  ba sira ne’ebe mak liu ona sira nia exame intervista iha 123 vaga  ofisisal rejista iha Munisipiu Haat, husu atu halo tuir fasilidade saude sira ne’ebe mak  dadaun ativu hela iha munisipiu, husu ba imi atu servisu iha fasilidade saude sira ne’ebe mak iha munisipiu ida-idak, husi prossesu 135 vaga  feto 51% no mane 49%”, tenik Rui

Rui akresenta,  kontratu ne’ebe mak asina ona tenke tempu badak ne’e  diretor munisipal sira nia kompetensia tomak atu kontrola sira iha tempu saida de’it liuliu  sira nia servisu iha area kobertura tenke avalia mos sira nia dezempeñu durante halo servisu tanba kontratu ne’e iha posibilidade atu kontinua, sira hetan fasilidade ne’ebe hanesan, tanba prosesu hotu  la’o tuir nia dalan.

Iha sorin seluk diretora jeral sentru nasional solidariedade sosial  munisipiu Liquisa Joana Dulce Vitor dehan, sira asina kontratu atu halo sira nia servisu ba bolsa da mae iha munisipiu Liquisa.

“Objetivu ohin atu realiza enkontru, nune’e sira bele asina sira nia kontratu ne’e temporariu no seidauk determinadu,  ami asina sira nia kontratu atu hala’o sira nia servisu no programa iha bolsa da mae ba jerasaun foun, Munisipiu Liquisa iha sentru saude 29 no kada sentru ida ema ida mak bele ba asina kontratu”, Joana hateten

Entertantu, vaga total husi munisipiu haat mak hanesan Liquisa iha 29, Manatutu iha 25 , Covalima iha 32 no Viqueque iha 49, no orsamentu ne’ebe alokadu tinan ida ne’e ba bolsa da mae  tinan Ida ne’e hamutuk dollar amerikanu millaun 13,5 ba jerasaun foun hamutuk ema millaun hitu resin.

Jornalista : Aquelina Mangalhaes