Karketu Prontu Manan Coração Iha Liga Timorense 2023
Imajem Komunikadu Imprensa husi FC Coração/Atletico Ultramar
SAPNewsTL, Dili- Karketu Dili FC prontu manan FC Coração/Atletico Ultramar iha jornada divizaun dahuluk Liga Timorense epoka 2023 ne’ebe jogu entre ekipa rua ne’e sei hala’o iha loron 18 fulan fevereiru 2023.
“Ami preparadu ba Liga Timorense epoka ne’e maski preparasaun ami hamutuk ho jogador fulan ida deit maibe ami nia jogador sira iha konfiansa para hetan vitoria kontra FC Coração/Atletico Ultramar iha loron sabadu, 18 fulan fevereiru 2021, tanba ita treinu jogador atu manan laos lakon, karik dalan iha ba klube atu defende vitoria nafatin Karketu Dili FC mantein”. dehan Reprezentante Treinador Karketu Dili FC Antonio Timotio ba jornalista sira liu konferensia imprensa iha Estadium Munisipal Dili, kinta (16/02/2023).
Reprezentante Treinador Karketu Dili FC Antonio Timotio
Iha fatin hanesan treinador FC Coração/Atletico Ultramar Januario de Almeida hatete,
“Ami nia jogador preparadu atu kompete iha divizaun dahuluk Liga Timorense epoka 2023, nu’udar treinador hakarak manan Karketu Dili FC iha divizaun dahuluk Liga Timorense epoka ne’e iha loron 18 fulan fevereiru tinan ne’e maibe jogu minutu 90 mak hatudu rezultadu se mak atu manan”, tenik treinador
Treinador informa, sira lori jogador lokal ho estranjeiru nain rua atu kompete iha divizaun dahuluk Liga Timorense epoka ne’e para hare’e liga nia kualidade jogu.
Reportajen: Augusto dos Santos