Oe-Cusse Oan Hamutuk Avo Nana Susesu Finaliza Atoni Cup 2022

SAP News TL,  DILI-Oe-Cusse Oan Hamutuk ho Avo Nana  susesu finaliza Atoni Cup 2022 ne’ebe realiza iha kampu futebol Don Bosco, Comoro ne’ebe komesa iha fulan novembru remata iha fulan dezembru tinan ne’e tanba hetan suportasaun masimu husi patrosinador sira.

“Jogu Antoni Cup  ne’e kontinuasaun jogu ne’ebe mak ita hahu iha  2019 to’o agora, iha tempu ne’eba  abertura direita husi avo nana rasik, ohin  ita nia jogu iha enseramentu ona ho susesu, tuir lolos ita nia jogu ensera iha loron 28 novembru 2022 maibe ita iha failansu  tanba komisaun organizador mesak estudante ne’e  ita dada to’o iha loron 21 dezembru 2022”, Prezidente komisaun organizadora Mateus Lopo Abdhy ba jornalista sira kampu futebol Don Bosco Comoro, Dili kuarta (21/02).

Prezidente Komisaun ne’e hatutan,  objetivu komemora loron proklamasaun independensia hodi dignifika matires sira nia luta ba rai ida ne’e liu husi futebol, kria lasu amizade Oe-cusse oan iha kapital Dili hodi unifika sira nia forsa hodi kontribui ba prosesu dezemvolvimentu nasional, harii  paz  iha Timor-Leste.

Iha fatin hanesan kordenador METO Paulino Cono Fali hatete, sira agradese ba Avo Nana  nia esforsu fo naran Antoni Cup ne’e dezde hahu to’o agora no kompetisaun kontribui ba dezenvolvimentu nasional hodi kria dame

“Ami agradese ba Avo Nana tanba iha tinan kotuk nia rasik mak mai loke  Antoni cup iha 2019  no ohin nia marka prejensa tan  atu ensera Atoni cup 2022,  kompetisaun ne’e Avo Nana rasik mak fo naran iha 2019 no sosa kedas nia trofeu  tanba antes ami hanoin atu fo naran   Movimentu Estudante Oe-cusse (METO) Cup tan ne’e ami estudante Oe-Cusse bolu malu ho voluntarizmu realiza kompetisaun ne’e hodi hametin unidade no estabilidade nu’udar Timoroan hodi  hatudu ba joven sira seluk labele halo  problema iha ita nia nasaun ida ne’e hamutuk kontribui ba dezenvolvimentu,ne’ebe mak ita nia heroi sira fakar sira nia ran ba rai ida ne’e maibe ohin loron ema hotu goza hodi haluha tiha sira”, tenik koordenador

Entretantu apoiu ba kompetisaun ne’e mai husi SEJD fo 500  USD, Timor Telecom apoiu 500 USD, Jorge  Teme  fo 450 USD, Fisen Fin fo 150, Jornalista Timor Post 115 USD, total osan ne’ebe mak apoiu uza iha kompetisaun ne’e 3, 500 USD  jere ba selu arbitrajen,  osan ba premiu manan nain sira

Reportajen  : Aquelina Mangalhaes & Esmeralda da Silva