Partidu “Os Verdes” Lori Programa Kria Kampu Servisu, Garante Manan Iha ELPAR 2023

SAPNewsTL, DILI – Partido Os Verdee de Timor  sei lori programa kria kampu servisu ba juventude iha Timor-Leste hodi kompete partidu sira iha Eleisaun Parlamentar (ELPAR) 2023 tanba taxa dezempregu iha rai ida ne’e as tebes.

“Partidos Os Verdes de Timor  hakarak hare’e liu ba joven sira iha Timor-Leste tanba joven barak mak ba servisu iha nasaun seluk, tan ne’e ami sei lori programa loke kampu servisu ba joven sira iha Timor-Leste hodi kompete ho partidu sira seluk iha ELPAR 2023 tanba Juventude mak jerasaun foun ba Timor-Leste”, dehan prezidente Os Verdes de Timor Lela Huno da Cruz ba jornalista SAPNewsTL  liu husi  via telefone iha munisipiu Baucau  domingu (05/03/ 2023).

Prezidente hatutan, Ohin Partidu OS  Verdes de Timor mai iha  Munsisipiu  Baucau nian hodi halo konferensia lejislativa ba sira nia estrutura sira  hodi hare’e liu ba juventude sira iha Munisipiu Baucau nian tanba partidu ne’e mai ho  juventude deit ne’ebe harii husi joven sira deit.

 Iha fatin hanesan, Prezidente partidu Os  Verdes  de Timor  Munisipiu Baucau  João Cabral “buka tuir” haktuir konferensia ne’e atu reafirma estrutura partidu ba kampania eleisaun parlamentar 2023 hodi hametin estrutura iha Munisipiu, Postu, Suku no Aldeia ne’ebe iha vizaun atu servi ba militante no membru sira liuliu joven sira.

“Konferensia ida ne’e atu refirma fila fali estrutura ba iha kampania eleisaun parlametar 2023 ne’ebe sei monu iha loron 21 Maiu 2023,  konferensia ida ne’e mos hodi hametin estrutura husi munsisipiu,  postu, suku no aldeia hodi mantein estrutura Os Verdes  de Timor hodi hare’e joven sira nia futuru, Partido OS VERDES DE TIMOR hamriik iha visaun  atu servi ba nia militante  no membru sira liuliu ba joven sira”.

João akresenta, nu’udar Prezidente  Partidu Os Verdes de Timor  iha munisipiu Baucau garante tebes sei manan iha eleisaun parlametar ida ne’e  tanba  sira nia militante sira ne’e  halai sai  husi partidu FRETILIN, CNRT no mos Partidu sira seluk hari’i fali  partido foun ida ne’e, ne’ebe  mai husi juventude sira deit hodi ajuda fali joven sira seluk.

Entretantu atividade ne’e partisipa husi estrutura partido Os Verdes  de  Timor rasik ho estrutura husi munispiu Baucau hamutuk ho inan aman no juventude sira husi   suku 59 no aldeia 282.

Jornalista :Antonio Tilman